വഴിയാത്രക്കാര്‍ക്ക് കുടിവെള്ളം ഒരുക്കി വയ്ക്കുന്ന വീട്ടുകാര്‍; നന്‍മക്കാഴ്ചയ്ക്ക് നിറകയ്യടി
സോഷ്യല്‍ മീഡിയയില്‍ ഗോസിപ്പുകളും അനാവശ്യ ചര്‍ച്ചകളും പരിഹാസങ്ങളും മാത്രമല്ല നന്മയുള്ള ചില കാഴ്ചകളും ഇടംപിടിക്കാറുണ്ട്.
അത്തരത്തില്‍ സ്വാര്‍ത്ഥലാഭമില്ലാത്ത ഒരു സദ്പ്രവര്‍ത്തി കണ്ടാണ് ഇന്ന് സോഷ്യല്‍ മീഡിയ ഉറക്കമെഴുന്നേറ്റത്.
സുല്‍ത്താന്‍ ബത്തേരിയില്‍ നിന്നുമാണ് ആ നന്മക്കാഴ്ച. സോഷ്യല്‍ മീഡിയയിലേക്ക് എത്തിയിരിക്കുന്നത്.
ഗവണ്‍മെന്റ് ആശുപത്രിക്ക് സമീപമുള്ള ഒരു വീടിനു മുന്നില്‍ വഴിയാത്രക്കാര്‍ക്കും രോഗികള്‍ക്കും ദാഹമകറ്റാന്‍ കുടിവെള്ളം ഒരുക്കിയിരിക്കുന്നു.
വീടിനു സമീപത്തെ അത്തിമരവുമായി ബന്ധിപ്പിച്ചാണ് ഈ കുടിവെള്ള ടാങ്ക് പ്രവര്‍ത്തിക്കുന്നത്.
ചൂടുള്ള വെള്ളമാണ് വഴിയാത്രക്കാര്‍ക്കായി ഒരുക്കിയിരിക്കുന്നത്. വെള്ളം തീരുന്ന മുറയ്ക്ക് വീട്ടുകാര്‍ തന്നെ നിറയ്ക്കുകയും ചെയ്യും. എന്തായാലും നന്മയില്‍ പൊതിഞ്ഞ ഈ പ്രവൃത്തിയെ ഹൃദയം കൊണ്ട് ഏറ്റെടുത്തിരിക്കുകയാണ് സോഷ്യല്‍ മീഡിയ.
https://www.facebook.com/Malayalivartha
