മാധ്യമങ്ങളോട് സംസാരിക്കുകയായിരുന്ന കേന്ദ്രമന്ത്രിയുടെ പിന്നില്‍ നിന്നുകൊണ്ട് ഒരു പെണ്‍കുട്ടി ക്യാമറയ്ക്കുനേരെ നോക്കി ഗോഷ്ടി കാണിച്ചു.

കേന്ദ്ര ബജറ്റ് അവതരണദിവസത്തില്‍ നടന്ന ഈ സംഭവം നിങ്ങളില്‍ പലരും കണ്ടുകാണും. കാണാത്തവര്‍ക്കായി ഇതാ ആ രംഗങ്ങള്‍ വീണ്ടും.

കേന്ദ്ര സിവില്‍ ഏവിയേഷന്‍ സഹമന്ത്രി ജയന്ത് സിന്‍ഹയുടെ പുറകില്‍നിന്ന് 'ഗോഷ്ടി കാണിക്കുന്ന' പെണ്‍കുട്ടിയുടെ ഈ വീഡിയോ സാമൂഹ്യമാധ്യമങ്ങളില്‍ വൈറലായി.

മന്ത്രിയുടെ പിറകില്‍നിന്ന് കളിയാക്കികൊണ്ട് നാവ് നീട്ടിക്കാട്ടുന്ന ഈ പെണ്‍കുട്ടിയുടെ ദൃശ്യങ്ങള്‍ സാമൂഹ്യമാധ്യമങ്ങളില്‍ ധാരാളം പങ്കുവയ്ക്കപ്പെട്ടിരുന്നു .

ബജറ്റ് അവതരിപ്പിക്കുന്ന ദിവസത്തിലെ ഏറ്റവും മികച്ച ചിത്രം എന്ന അടിക്കുറിപ്പോടെയാണ് ചിത്രങ്ങള്‍ പങ്കുവയ്ക്കപ്പെട്ടത്.