വീട്ടിലെ ഗ്യാസ്ചോര്ച്ച കുടുംബത്തെ അറിയിച്ചത് നായ!
നായകളെ കുടുംബത്തിലെ അംഗത്തെ പോലെ തന്നെയാണ് മിക്ക ഉടമസ്ഥരും സ്നേഹിക്കുന്നത്. ന്യൂയോര്ക്കില് നിന്നുള്ള ഒരു വാര്ത്തയില് ഒരു കുടുംബത്തെയാകെ രക്ഷിച്ച് ഹീറോ ആയ ഒരു വളര്ത്തുനായയെ കുറിച്ചാണ് പറയുന്നത്.
ന്യൂയോര്ക്കിലെ ടക്കഹോയിലാണ് സംഭവം. വീടിന് പുറത്തിറങ്ങി നിന്ന് അടുത്ത വീട്ടിലെ നായ വല്ലാതെ കുരയ്ക്കാന് തുടങ്ങിയതോടെയാണ് ചുറ്റുമുള്ളവരുടെ ശ്രദ്ധയില്പ്പെടുന്നത്. കുര നിര്ത്താതെ വന്നതോടെ നാട്ടുകാര് പൊലീസിനെ വിവരം അറിയിച്ചു. വീട്ടില് കള്ളന് കയറിയതുകൊണ്ടാകാം നായ കുരയ്ക്കുന്നത് എന്നായിരുന്നു ആദ്യം കരുതിയത്.
പൊലീസ് എത്തി വീടിനുള്ളില് കടന്നപ്പോള് കണ്ടത് മറ്റൊന്നാണ്. അടച്ചിട്ടിരുന്ന വീടിന്റെ താഴത്തെ നിലയില് നിന്നും ഗ്യാസ് ചോര്ന്ന് രൂക്ഷമായ ഗന്ധം പരക്കുകയായിരുന്നു. എന്നാല് ഇക്കാര്യം വീടിനു മുകളിലുണ്ടായിരുന്ന മുകളിലുണ്ടായിരുന്ന വീട്ടുകാര് അറിഞ്ഞിരുന്നില്ല. വീട്ടുകാരെ ഇക്കാര്യമറിയിക്കുന്നതില് പരാജയപ്പെട്ടതിനാലാണ് നായ പുറത്തിറങ്ങി കുരച്ച് ബഹളമുണ്ടാക്കിയത്.
പിന്നീട് പൊലീസ്, വീട്ടിലുള്ളവരെ സുരക്ഷിതരായി മാറ്റിയശേഷം ഫയര്ഫോഴ്സിന്റെ സഹായത്തോടെ ഗ്യാസ് ചോര്ച്ച തടഞ്ഞു. കുടുംബത്തിന്റെ ജീവന് രക്ഷിച്ച സാഡി എന്ന നായയാണ് ഇപ്പോള് സോഷ്യല് ലോകത്തും ഹീറോ. ടക്കഹോ പൊലീസ് സമൂഹമാധ്യമങ്ങളിലൂടെ പങ്കുവെച്ച കുറിപ്പിലൂടെയാണ് സംഭവം പുറംലോകമറിഞ്ഞത്.
https://www.facebook.com/Malayalivartha