സാധാരണക്കാര്‍ക്ക് വലിയോരു അവസരം തന്നെയാണ് ടിക്ടോക് തുറന്നിട്ടത്. സാധാരണക്കാരുടെ വീട്ടില്‍ നടക്കുന്ന കൊച്ചു സംഭവങ്ങളും രസകാഴ്ചകളുമെല്ലാം പുറംലോകം കണ്ടുതുടങ്ങി.

അപ്രതീക്ഷിതമായി ചിലര്‍ കലയുടെയും സിനിമയുടെയും വെളളിവെളിച്ചത്തേക്ക് നടന്നടുത്തു. നിരവധി വിഡിയോകളാണ് സമൂഹമാധ്യമങ്ങള്‍ ഏറ്റെടുത്തത്. അത്തരത്തില്‍ ഒരു കുഞ്ഞുവാവയുടെ വിഡിയോയാണ് ഇപ്പോള്‍ സമൂഹമാധ്യമങ്ങളില്‍ തരംഗമാകുന്നത്.

'മോളൂട്ടിയേ.. അച്ഛനെ തല്ലണൂ രക്ഷിക്കെടീ.. 'എന്ന് നിലവിളിക്കുന്ന അച്ഛന്റെ ശബ്ദം കേട്ടാണ് മുറിക്കകത്തു നിന്ന കുഞ്ഞുവാവ പുറത്തേയ്ക്ക് വരുന്നത്.

ആദ്യം തല ചെറുതായൊന്ന് പുറത്തേക്കിട്ട് സംഭവം വീക്ഷിക്കുന്നുണ്ട്. അച്ഛന്‍ വീണ്ടും ഉച്ചത്തില്‍ കരയുന്നതു കണ്ട് സങ്കടം സഹിക്കാനാകാതെ അച്ഛനെ രക്ഷിക്കാന്‍ കലിപ്പില്‍ ശബ്ദം ഉണ്ടാക്കി മുട്ടിലിഴഞ്ഞ് വരുന്ന കുഞ്ഞാവയുടെ വിഡിയോ നിമിഷങ്ങള്‍ക്കകം വൈറലായി.

അച്ഛനെ രക്ഷിക്കാനായി മുട്ടിലിഴഞ്ഞ് വരുന്ന കൊച്ചു മിടുക്കിയെ വാത്സല്യത്തോടെയാണ് സൈബര്‍ ലോകം ഏറ്റെടുത്തിരിക്കുന്നത്.