മര്ലിന് മണ്റോയുടെ രൂപഭാവാദികളെ അനുകരിച്ച് 270 പേര്
ലോകമെങ്ങും ആരാധകരെ സൃഷ്ടിച്ച് കടന്നുപോയ ഹോളിവുഡ് സുന്ദരിയായിരുന്നു മര്ലിന് മണ്റോ. കാന്സര് റിസേര്ച്ചിനുള്ള ഫണ്ട് കണ്ടെത്തുന്നതിനായുള്ള ഒരു പരിപാടിയുടെ ഭാഗമായി മെര്ലിന് മണ്റോ സംഗമം സംഘടിപ്പിച്ചപ്പോള് മണ്റോയുടെ കടുത്ത ആരാധകര് ഇപ്പോഴുമുണ്ട് എന്ന് തെളിയിക്കുന്ന രീതിയിലുള്ള കാര്യങ്ങളാണ് നടന്നത്.
കഴിഞ്ഞ ദിവസം ഓസ്ട്രേലിയയിലെ അഡ്ലെയ്ഡില് മെര്ലിന് മണ്റോയുടെ പ്രശസ്തമായ വെള്ള ഫ്രോക്കും ധരിച്ച് അവരെപ്പോലെ മേയ്ക്ക് അപ്പ് ചെയ്ത് സ്ത്രീകളും പുരുഷന്മാരും കുട്ടികളുമടക്കം 270 പേരാണ് അഡ്ലെയ്ഡിലെ കടല്പ്പുറത്ത് ഒത്തു കൂടിയത്.
മെര്ലിന് മണ്റോയുടെ രൂപത്തില് ഏറ്റവും അധികം ആളുകള് ഒത്തുകൂടിയ സംഗമം എന്ന ഗിന്നസ് റിക്കാര്ഡും ഈ സംഗമം നേടി. സംഗമത്തിനെത്തിയവരെല്ലാം മെര്ലിന് പ്രശസ്തമാക്കിയ വെളുത്ത ഫ്രോക്കായിരുന്നു ധരിച്ചിരുന്നത്.
മിക്കവരും മെര്ലിന്റെ ഹെയര് സ്റ്റെലിലുള്ള വിഗ്ഗും ധരിച്ചിരുന്നു. മെയ്ക്കപ്പിന്റെ ഭാഗമയി മെര്ലിന്റെ ചുണ്ടിന്റെ സമീപത്തെ മറുകും എല്ലാവരും കുത്തിയിരുന്നു.
https://www.facebook.com/Malayalivartha
