പ്രീതി കിച്ചണ്‍ അപ്ലൈയ്ന്‍സസും ചെന്നൈ ഫുഡ് കോണ്‍സുലേറ്റും കപ്പ് കേക്കുകള്‍കൊണ്ട് ടവര്‍ നിര്‍മിച്ച് ഗിന്നസ് റിക്കാര്‍ഡ് സ്വന്തമാക്കി.

പിരമിഡ് മാതൃകയില്‍ 18,818 കപ്പ് കേക്കുകള്‍ കൊണ്ട് നിര്‍മിച്ചിരിക്കുന്ന ഈ ടവറിന്റെ ഉയരം 41 അടിയാണ്.

ഏകദേശം 30 മണിക്കൂര്‍ സമയം കൊണ്ട് പൂര്‍ത്തിയാക്കിയ ഈ ടവര്‍ ചെന്നൈയിലെ ഫോറം വിജയ മാളിനുള്ളിലാണുള്ളത്.

അവിടെ വച്ചു തന്നെയാണ് ഇവര്‍ കേക്കുണ്ടാക്കിയതും മറ്റ് കാര്യങ്ങള്‍ ചെയ്തതും. കപ്പ്‌കേക്ക് ടവറിന്റെ ഭാരം 1.3 ടണ്‍ ആണ്.

ഈ പരിശ്രമത്തിന് ഗിന്നസ് വേള്‍ഡ് റിക്കാര്‍ഡ് ലഭിച്ചതിനു ശേഷം ഈ കേക്കുകളെല്ലാം ചെന്നൈയിലെ എന്‍ജിഒകള്‍ വഴി വിതരണം ചെയ്തിരിക്കുകയാണ്.