പ്രണയം തകര്ന്നെങ്കില് അവസാനമായി ഒരിക്കല് കൂടി ആ പങ്കാളിയുടെ ചിത്രം കൈയ്യിലെടുത്ത് നടക്കൂ ഈ കഫേ വരെ, വേറിട്ട 'ഒരു മധുര പ്രതികാരം' നടത്താം!
'അരികില് നീ ഉണ്ടായിരുന്നെങ്കില് എന്നുഞാന്..' നഷ്ടപ്രണയത്തിന്റെ ഓര്മപ്പെടുത്തലുകള് കൂടിയാണ് ഈ വരികളും ഈ ദിനവും.
പ്രണയിക്കുന്നവര്ക്ക് മാത്രമുള്ളതല്ല പ്രണയദിനം എന്ന് തെളിയിക്കുകയാണ് ഈ കഫേ. പ്രണയനഷ്ടത്തില് നിങ്ങള് തകര്ന്നിരിക്കുകയാണെങ്കില് ഈ കഫേയിലാണ് പോകേണ്ടത്.
ബെംഗളൂരുവിലെ റൗണ്ട് അപ് കഫേയിലാണ് പ്രണയം തകര്ന്നവര്ക്കായി മികച്ച ഓഫറുകള് കാത്തിരിക്കുന്നത്. ഈ ദിനം കഫേയിെലത്തുന്നവര്ക്ക് ഭക്ഷണശേഷമുള്ള മധുരപലഹാരം സൗജന്യമായി കിട്ടും.
അതിനായി നിങ്ങള് ചെയ്യേണ്ടത് ഇത്രമാത്രം. നിങ്ങളുടെ പഴയ കാമുകിയുടേയോ കാമുകന്റെയോ ചിത്രം കഫേയില് വച്ച് കത്തിച്ചുകളയണം. ഇങ്ങനെ ചെയ്താല് മധുരപലഹാരങ്ങള് കഫേയില് നിന്നും സൗജന്യമായി ലഭിക്കും.
കഫേയുടെ ഈ വേറിട്ട പരസ്യവും ആശയവും നിമിഷങ്ങള് കൊണ്ട് സോഷ്യല് ലോകത്തും വൈറലായി. പ്രണയിക്കുന്നവര്ക്കും കഫേയില് ഫോട്ടോഷൂട്ടിനുള്ള സൗകര്യവും ഇവിടെ ഒരുക്കിയിട്ടുണ്ട്. ഈ പ്രണയദിനം ഈ കഫേയില് പോകുമെന്ന കമന്റുമായി പ്രണയിക്കുന്നവരും പ്രണയം തകര്ന്നവരും രംഗത്തെത്തിയിട്ടുണ്ട്.
https://www.facebook.com/Malayalivartha
