ഒമ്പത് മാസം പൊന്നുപോലെ നോക്കി വളര്ത്തി, മണ്ണില് വിരിഞ്ഞത് അത്ഭുത കാബേജ്
ഭീമന് കാബേജ് വിളയിച്ച് നവമാധ്യമങ്ങളില് കൗതുകം സമ്മാനിക്കുകയാണ് ഓസ്ട്രേലിയന് ദമ്പതികള്. സോഷ്യല്മീഡിയയുടെ കൈയടി നേടുന്നത് ഓസ്ട്രേലിയയിലെ ജാക്കീസ് മാര്ഷിലുള്ള ടാസ്മാനിയന് താഴ്വരയില് താമസിക്കുന്ന റോസ്മേരി നോര്വൂഡും ഭര്ത്താവ് സിയാന് കാഡ്മാനുമാണ്.
പച്ചക്കറി കൃഷിക്ക് വലിയ പ്രാധാന്യം നല്കുന്ന ഈ ദമ്പതികള് 2018 ഏപ്രിലിലാണ് തങ്ങളുടെ കൃഷിയിടത്തില് നിരവധി കാബേജ് തൈകള് നട്ടത്. മികച്ച രീതിയില് തന്നെ ഇവര് കാബേജുകളെ പരിപാലിച്ചു വളര്ത്തി. നാളുകള്ക്കു ശേഷം ഫലം കൊയ്യുകയും ചെയ്തു.
എന്നാല് കൃഷി ചെയ്ത സ്ഥലത്ത് നിന്നും ഒരു കാബേജു മാത്രം ഇവര് എടുത്തില്ല. കുറെ നാളുകള്ക്കുടി ഇതിനെ പരിപാലിക്കാമെന്ന് തീരുമാനിച്ച ഇരുവരും നെറ്റ് ഉപയോഗിച്ചാണ് പ്രാണികളില് നിന്നും മറ്റ് മൃഗങ്ങളില് നിന്നും ഈ കാബേജിനെ സംരക്ഷിച്ചത്.
ഏകദേശം ഒമ്പത് മാസങ്ങള്ക്കു ശേഷം അടുത്തിടെയാണ് ഇവര് ആ കാബേജ് പറിച്ചത്. അപ്പോഴേക്കും ഈ കാബേജ് ഒരു വലിയ മനുഷ്യനോളം വളര്ന്നിരുന്നു. സോഷ്യല്മീഡിയയില് ഈ കാബേജിന്റെ ചിത്രങ്ങള് വൈറലായതിനെ തുടര്ന്ന് ദമ്പതികള്ക്ക് അഭിനന്ദനവുമായി നിരവധിയാളുകളാണ് രംഗത്തെത്തിയിരിക്കുന്നത്.
https://www.facebook.com/Malayalivartha