ചെന്നിത്തലയുടെ മകന്‍ രോഹിത്തും വധുവും കല്യാണ വേഷത്തില്‍ ട്രെയിനില്‍; അമ്പരപ്പും ആശംസകളുമായി യാത്രക്കാര്‍
കഴിഞ്ഞദിവസം വിവാഹിതനായ, രമേശ് ചെന്നിത്തലയുടെ മകന്‍ ഡോ.രോഹിത്തും വധു ഡോ.ശ്രീജയും വിവാഹശേഷം തലസ്ഥാനത്തേക്ക് പുറപ്പെട്ടത് ട്രെയിനില്‍ ആയിരുന്നു. രമേശ് ചെന്നിത്തലയ്ക്കും ഭാര്യ അനിതയ്ക്കുമൊപ്പം വിവാഹവേഷത്തില്‍ തന്നെ ആലുവ സ്‌റ്റേഷനിലെത്തിയ വധുവിനെയും വരനെയും കണ്ട് യാത്രക്കാര്‍ അമ്പരന്നു.
അങ്കമാലി ആഡ്‌ലക്‌സ് കണ്‍വന്‍ഷന്‍ സെന്ററിലെ ചടങ്ങുകള്‍ക്ക് ശേഷം 4.20-ന്റെ ജനശതാബ്ദി എക്‌സ്പ്രസിലാണ് പ്രതിപക്ഷനേതാവും വരനും വധുവും യാത്രചെയ്തത്. യാത്രകാര്‍ക്കൊപ്പം സെല്‍ഫിയെടുത്ത് ആദ്യത്തെ ശുഭയാത്രയുടെ സന്തോഷം ഇരുവരും പങ്കുവെച്ചു.
രോഹിത് കൊച്ചിയിലും ശ്രീജ അമേരിക്കയിലുമാണ് ജോലി ചെയ്യുന്നത്. എറണാകുളം സ്വദേശിയാണ് ശ്രീജ. ഭരണ–പ്രതിപക്ഷ നേതാക്കരും സാംസ്‌കാരിക രംഗത്തെ പ്രമുഖരും സിനിമാതാരങ്ങളും ചടങ്ങില്‍ സംബന്ധിക്കാന്‍ എത്തിയിരുന്നു.
മുഖ്യമന്ത്രി പിണറായി വിജയന്‍, മുന്‍മുഖ്യമന്ത്രി ഉമ്മന്‍ചാണ്ടി, ബിജെപി സംസ്ഥാന അധ്യക്ഷന്‍ പി.എസ്.ശ്രീധരന്‍പിള്ള, മമ്മൂട്ടി, ശശി തരൂര്‍, വെള്ളാപ്പള്ളി നടേശന്‍, തിരുവഞ്ചൂര്‍ രാധാകൃഷ്ണന്‍, എം.എ.യൂസഫലി, എം.ജി.ശ്രീകുമാര്‍ തുടങ്ങിയവര്‍ ചടങ്ങില്‍ പങ്കെടുത്തു.
https://www.facebook.com/Malayalivartha
