മണികര്ണിക എന്ന ചിത്രത്തിനു വേണ്ടി കുതിര സവാരിയും വാള്പയറ്റും നായിക നടി അഭ്യസിച്ചെന്ന് റിപ്പോര്ട്ട്, പിന്നെന്താ ഇങ്ങനെ എന്നാരും ചോദിച്ചുപോകുന്ന ചില ദൃശ്യങ്ങള്!
ബോക്സ്ഓഫീസില് വലിയ വിജയം നേടി മുന്നേറുകയാണ് കങ്കണ റണൗട്ട് നായികയായി എത്തിയ മണികര്ണിക. വീരവനിത ഝാന്സി റാണിയുടെ ജീവിതകഥ പറയുന്ന ചിത്രം നൂറുകോടി ക്ലബില് ഇടംനേടിയിരുന്നു.
ചിത്രത്തിനു വേണ്ടി കുതിര സവാരിയും വാള്പയറ്റും നടി അഭ്യസിച്ചെന്ന് നേരത്തേ റിപ്പോര്ട്ട് ഉണ്ടായിരുന്നു. ഇപ്പോഴിതാ കുതിരപ്പുറത്തിരുന്നു കൊണ്ടുള്ള കങ്കണയുടെ ഒരു സംഘട്ടനരംഗത്തിന്റെ വിഡിയോ സമൂഹമാധ്യമങ്ങളില് വൈറലാകുന്നു. എന്നാല് നേരത്തേ റിപ്പോര്ട്ട് ചെയ്തിരുന്ന കാര്യം അറിഞ്ഞവര്ക്ക് ഈ വിഡിയോ കണ്ടാല് ചിരി് വരുമെന്ന് മാത്രം!
സഹതാരങ്ങള് യഥാര്ഥ കുതിരയെ ഉപയോഗിക്കുമ്പോള് ഒരു ഡമ്മി കുതിരയെയാണ് കങ്കണ ഉപയോഗിച്ചിരിക്കുന്നത്. വിവാദങ്ങളുണ്ടാക്കാന് സമര്ത്ഥനായ ബോളിവുഡ് നടനും നിര്മാതാവുമായ കെ.ആര്.കെ.യാണ് ട്വിറ്ററിലൂടെ ഈ ദൃശ്യങ്ങള് പുറത്ത് വിട്ടിരിക്കുന്നത്. ചിത്രത്തിനായി ഈ ഡമ്മി കുതിരയെ സവാരി ചെയ്യാനാണോ താരം പരിശീലനം നേടിയത് എന്ന ചോദ്യവും സമൂഹമാധ്യമങ്ങളില് ഉയരുന്നുണ്ട്.
ഇറങ്ങുംമുന്പ് തന്നെ വലിയ വിവാദങ്ങളുണ്ടാക്കിയ ചിത്രമാണ് മണികര്ണിക. ചിത്രത്തിന്റെ സംവിധാനത്തെ സംബന്ധിച്ച് കങ്കണയും സംവിധായകന് കൃഷും തമ്മില് അഭിപ്രായവ്യത്യാസമുണ്ടായി. അവസാനം കൃഷ് പിന്മാറുകയും സംവിധാനം കങ്കണ ഏറ്റെടുക്കുകയുമായിരുന്നു.
https://www.facebook.com/Malayalivartha
