ധീരതയുടെ ചിഹ്നമായി പുതിയ തരംഗം ഉയര്ത്തുന്നു, 'അഭിനന്ദന് മീശ'
അടുത്ത തവണ ബാര്ബര് ഷോപ്പില് ഷേവ് ചെയ്യിക്കാനായി ചെല്ലുമ്പോള് ചോദ്യം വന്നേക്കാം- ഒരു 'അഭിനന്ദന് മീശ' ആയാലോ? ഇന്ത്യയുടെ പുതിയ 'സെലിബ്രിറ്റി'യായ വിങ് കമാന്ഡര് അഭിനന്ദന് വര്ധമാന്റെ ആ മീശയും തരംഗമാകുകയാണ്. പാക്കിസ്ഥാന് വിമാനം വെടിവച്ചിട്ട്, ശത്രുവിന്റെ പിടിയിലായിട്ടും അസാമാന്യ ധൈര്യത്തോടെ പതറാതെ നിന്ന് രാജ്യത്തിന്റെ അഭിമാനം ഉയര്ത്തിപ്പിടിച്ച പോരാളിയുടെ പര്യായമായി ആ സ്റ്റൈലന് മീശയും ലോകം ആഘോഷിക്കുന്നു. ആത്മാഭിമാനത്തിന്റെയും ധീരതയുടെയും ചിഹ്നം.
'അഭിനന്ദന് മീശ'ഒരെണ്ണം വയ്ക്കാന് പല യുവാക്കള്ക്കും ആവേശം. എനിക്കും വേണം അഭിനന്ദന് മീശയെന്ന് പിഞ്ചുബാലന്മാര് വരെ പറയുന്നു. ചിത്രങ്ങള് ആദ്യം പുറത്തുവന്നപ്പോള്, വ്യോമസേന വിങ് കമാന്ഡര്ക്ക് ഇങ്ങനെയൊരു മീശയോ എന്ന് പലരും അമ്പരന്നിരുന്നു. എല്ലാവരും ആദ്യം ശ്രദ്ധിച്ചതും അതു തന്നെ.
അഭിനന്ദന് ഒരു 'സൂപ്പര്ബ്രാന്ഡാ'യി അതിവേഗം മാറുമെന്നു ഫാഷന് ലോകത്തെ വിദഗ്ധര് പ്രവചിക്കുന്നു. ആ മീശ ചരിത്രത്താളുകളില് പടയോട്ടങ്ങള് നയിച്ചു പ്രതാപികളായ രാജാക്കന്മാരുടെ ഓര്മയുണര്ത്തുന്നുണ്ട്.
gunslinger moustache (ഗണ്സ്ലിങ്ങര് മീശ) എന്ന ഓമനപ്പേരില് അത് ഇന്ത്യന് വീരസങ്കല്പങ്ങളിലേക്ക് പറന്നിറങ്ങുകയാണ്. ഇതിനിടെ, നവജാതശിശുവിന് അഭിനന്ദന്റെ പേരിട്ട് രാജസ്ഥാനിലെ ഒരു കുടുംബവും വാര്ത്ത സൃഷ്ടിച്ചു. ആള്വറിലെ കിഷന്ഗഡില് കഴിഞ്ഞ ദിവസം പിറന്ന കുഞ്ഞിനാണു വീട്ടുകാര് അഭിമാനത്തോടെ ആ പേരിട്ടത്.
https://www.facebook.com/Malayalivartha
