വളരെയധികം പിശുക്ക് കാണിക്കുന്നതിനാല്‍, അബുദാബിയിലെ ഒരു ഭാര്യ ഭര്‍ത്താവില്‍ നിന്നും വിവാഹമോചനം ആവശ്യപ്പെട്ടു.

വീട്ടിലേക്കുള്ള സാധനങ്ങള്‍ വാങ്ങിക്കുന്നതിനും കറന്റ് ബില്ലും വെള്ളത്തിന്റെ വാടകയും കൊടുക്കുവാന്‍ ഭര്‍ത്താവ് തയാറാകുന്നില്ലെന്നും എല്ലാത്തിനുമുള്ള പണം താന്‍ നല്‍കണമെന്ന് തന്നെ എപ്പോഴും നിര്‍ബന്ധിക്കുകയാണെന്നാണ് വധുവിന്റെ വാദം.

വിവാഹത്തിനുള്ള പണം പോലും ഭര്‍ത്താവ് ചിലവാക്കിയില്ലെന്ന് ഈ യുവതി പറയുന്നു. വീട്ടിലേക്കുള്ള എല്ലാ ഫര്‍ണിച്ചര്‍ ഉപകരണങ്ങളും യുവതിയാണ് വാങ്ങിയത്.

ഭര്‍ത്താവില്‍ നിന്നുമുള്ള ഈ പെരുമാറ്റത്തില്‍ മനം മടുത്ത ഭാര്യ തന്റെ അതൃപ്തിയെക്കുറിച്ച് അദ്ദേഹത്തോട് പറഞ്ഞുവെങ്കിലും ഭാര്യയെ അവഗണിക്കുകയാണ് അദ്ദേഹം ചെയ്തത്.

ഇതിനെ തുടര്‍ന്നാണ് ഭര്‍ത്താവില്‍ നിന്നും വിവാഹമോചനം ആവശ്യപ്പെട്ട് യുവതി കോടതിയെ സമീപിച്ചത്.