മുന്‍ഭര്‍ത്താവിന്റെ ഇപ്പോഴത്തെ ഭാര്യയെ 'കുതിര' എന്ന് വിളിച്ച യുവതിക്ക് രണ്ട് വര്‍ഷം തടവ് ശിക്ഷ. ബ്രിട്ടീഷ് യുവതിയായ ലലേഹ് ഷാര്‍വേഷിനാണ് ഈ ശിക്ഷ സ്വീകരിക്കേണ്ടി വന്നത്.

2016-ലാണ് ഈ ലലേഹില്‍ നിന്നും വിവാഹമോചനം നേടി ഭര്‍ത്താവ് മറ്റൊരു യുവതിയെ വിവാഹം ചെയ്തത്. നവദമ്പതികള്‍ സോഷ്യല്‍മീഡിയയില്‍ പങ്കുവച്ച ചിത്രത്തിന്റെ കമന്റ് ബോക്‌സില്‍ നിങ്ങള്‍ നശിച്ചു പോകട്ടേയെന്നും ഈ കുതിരയ്ക്കു വേണ്ടിയാണോ നിങ്ങള്‍ എന്നെ ഉപേക്ഷിച്ചതെന്നും ലലേഹ് കുറിച്ചിരുന്നു.

ലലേഹ് ഭര്‍ത്താവിനൊപ്പം ദുബായിയിലാണ് താമസിച്ചിരുന്നത്. പതിനെട്ട് വര്‍ഷത്തെ വിവാഹജീവിതത്തിന് വിരാമമിട്ട് ലലേഹ് ലണ്ടനിലേക്ക് മടങ്ങിയെങ്കിലും ഭര്‍ത്താവ് ദുബായിയില്‍ തന്നെ തുടരുകയായിരുന്നു.

ലണ്ടനില്‍ താമസിക്കുകയായിരുന്ന ഇവര്‍ മുന്‍ഭര്‍ത്താവ് മരിച്ചപ്പോള്‍, 14-കാരിയായ മകളൊടൊത്ത് ശവസംസ്‌കാരത്തിന് എത്തിയപ്പോള്‍ ദുബായ് വിമാനത്താവളത്തില്‍ വച്ച് പോലീസ് പിടികൂടുകയായിരുന്നു.

രണ്ട് വര്‍ഷത്തെ തടവ് ശിക്ഷയ്ക്കു പുറമെ 45 ലക്ഷം രൂപ പിഴ അടയ്ക്കണമെന്നും കോടതി വിധിച്ചു. ഇവരുടെ പതിനാല് വയസുകാരിയായ മകള്‍  അമ്മയോട് കരുണ കാട്ടണമെന്ന് ഷേയ്ക്ക് മുഹമ്മദിനോട്, അഭ്യര്‍ത്ഥിച്ചിട്ടുണ്ട്.