വിവാഹ വേദിയിലൂടെയും വോട്ടുപിടുത്തം
യൂത്ത് കോണ്ഗ്രസിന്റെ ഇടക്കര, നിലമ്പൂര് മണ്ഡലം സെക്രട്ടറി മാഠാരി രാജീവ് തന്റെ വിവാഹ ദിനത്തിലും തന്റെ ആരാധ്യനേതാവിനെ മറന്നില്ല.
വിവാഹത്തിയതി നിശ്ചയിച്ച ശേഷമാണ് തിരഞ്ഞെടുപ്പ് കടന്നുവന്നത്. വയനാട്ടില് രാഹുല് ഗാന്ധി സ്ഥാനാര്ഥിയായപ്പോള് തന്റെ വിവാഹവും പ്രചാരണത്തിന് ഉപയോഗിക്കാമെന്ന് രാഹുലിന്റെ കടുത്ത ആരാധകനായ രാജീവ് തീരുമാനിക്കുകയായിരുന്നു.
പോത്തുകല്ല് പാതാറിലെ വധു തനിലയുടെ വീട്ടിലേക്ക് രാജീവും കുട്ടുകാരും പോയ വാഹനങ്ങളിലെല്ലാം രാഹുല് ഗാന്ധിയുടെ പോസ്റ്റര് പതിച്ചിരുന്നു.
താലികെട്ട് കഴിഞ്ഞയുടന് രാഹുല് ഗാന്ധിക്ക് വോട്ടഭ്യര്ഥിച്ചുള്ള കത്ത് വിതരണം ചെയ്തിരുന്നു. വിവാഹ വേദിയിലും രാഹുല് ഗാന്ധിയുടെ പോസ്റ്ററുകള് നിറഞ്ഞിരുന്നു.
വധുവരന്മാരെ ആശീര്വദിക്കുന്നതിന് എഐസിസി സെക്രട്ടറി സലിം അഹമ്മദും ആര്യാടന് മുഹമ്മദും ഉള്പ്പെടെയുളള നേതാക്കളുമെത്തിയുന്നു.
https://www.facebook.com/Malayalivartha