തന്റെ വളര്ത്തു മൃഗങ്ങളേയും ഹോട്ടലില് താമസിക്കാന് അനുവദിക്കണമെന്ന് ഇന്ത്യയിലെത്തിയ അമേരിക്കന് യുവതി ! പ്രശ്നപരിഹാരത്തിന് പോലീസ് ഇടപെടേണ്ടി വന്നു!
അമേരിക്കയില് നിന്നും ഇന്ത്യാ സന്ദര്ശനത്തിനെത്തിയ യുവതി കൂടെ കൊണ്ടു വന്നത് നിരവധി വളര്ത്തു മൃഗങ്ങളെ. എന്നാല് മൃഗങ്ങളുമായി ഹോട്ടലില് താമസിക്കുവാനെത്തിയപ്പോള് അധികൃതര് ഇവരെ തടഞ്ഞു. ഗുജറാത്തിലെ അഹമ്മദാബാദിലാണ് സംഭവം.
ആറ് പൂച്ചകള്, ഏഴ് വളര്ത്തുനായ്ക്കള്, ഒരു ആട് എന്നിവയ്ക്കൊപ്പമാണ് ഇവര് ഗുജറാത്തിലെ ആഡംബര ഹോട്ടലില് താമസത്തിനെത്തിയത്. എന്നാല് മൃഗങ്ങളോടൊപ്പം അവിടെ താമസിക്കുവാന് അധികൃതര് ഈ യുവതിയെ അനുവദിച്ചില്ല. മൂന്ന് ദിവസത്തേക്ക് ബുക്ക് ചെയ്ത റൂമാണിതെന്നും ഇവിടെ തന്നെ താമസിക്കണമെന്നും വാശി പിടിച്ച യുവതി പോലീസുമായി ബന്ധപ്പെടുകയും ചെയ്തു.
ആടിനേയും പൂച്ചകളേയും ഒക്കെ പലയിടങ്ങളില് നിന്നും താന് രക്ഷിച്ചതാണെന്നും അവയെ ഒക്കെ ഏറ്റെടുത്ത് സംരക്ഷിക്കാന് ഒരാള് സമ്മതിച്ചിട്ടുണ്ടെന്നും അയാള് എത്താന് വൈകിയതിനാലാണ് മൃഗങ്ങളെ ഹോട്ടലില് കൂടെ കഴിയാന് അനുവദിക്കണമെന്ന് ആവശ്യപ്പെട്ടതെന്ന് അവര് പോലീസിനോട് പറഞ്ഞു.
തങ്ങള് അല്ല പോലീസിനെ വിളിച്ചതെന്നും, ഒന്നു വിളിച്ചാല് ഉടനെ ഇന്സ്പെക്ടര് റാങ്കിലുള്ള ഉദ്യോഗസ്ഥര് എത്തുകയില്ലെന്നും ഇവിടെ അപ്രകാരം സംഭവിച്ചതിനാല് അമേരിക്കന് യുവതി എംബസിയില് വിളിച്ച് സഹായം ചോദിച്ചിട്ടുണ്ടാവും എന്നാണ് ഹോട്ടല് അധികൃതരുടെ അനുമാനം.
പിന്നീട് പോലീസ് ഇടപെട്ടപ്പോള് ഹോട്ടലില് താമസിക്കുവാനുള്ള അനുമതി ഇവര്ക്ക് ലഭിക്കുകയായിരുന്നു. മൂന്നു ദിവസം കഴിഞ്ഞ് ഹോട്ടല് വിട്ട അവര് തന്റെ ഇന്ത്യാസന്ദര്ശനം തുടരുകയാണ്.
https://www.facebook.com/Malayalivartha
