അമേരിക്കന്‍ പ്രസിഡന്റായിരുന്ന ഏബ്രഹാം ലിങ്കന്റെ മരണവിവരം ഔദ്യോഗികമായി പുറംലോകത്തെ അറിയിച്ച ടെലഗ്രാമിന് മൂന്നരക്കോടി രൂപ.

1865 ഏപ്രില്‍ 15-ന് പുലര്‍ച്ചെ എഴുതപ്പെട്ടതാണ് ഈ ടെലഗ്രാം. അമേരിക്കന്‍ സര്‍ക്കാരിന്റെ യുദ്ധവിഭാഗം മേധാവിയായിരുന്ന മേജര്‍ തോമസ് എകെര്‍ട്ട്
എഴുതിയ ഈ ടെലഗ്രാമിന്റെ ഉദ്ദേശ്യം, സര്‍ക്കാരിന്റെ വിവിധ വിഭാഗങ്ങളെ ലിങ്കന്റെ മരണവിവരം ഔദ്യോഗികമായി അറിയിക്കുക എന്നതായിരുന്നു.

ഇന്നു രാവിലെ ഏഴുമണി കഴിഞ്ഞ് 22 മിനിറ്റായപ്പോള്‍ ഏബ്രാഹം ലിങ്കണ്‍ മരിച്ചു എന്നാണ് ടെലഗ്രാമില്‍ എഴുതിയിരിക്കുന്നത്.

റാബ് കളക്ഷന്‍സ് എന്ന ഏജന്‍സിയാണ്, ഒരു സ്വകാര്യ കുടുംബത്തിന്റെ പക്കലുണ്ടായിരുന്ന ഈ ടെലഗ്രാം മൂന്നരക്കോടി രൂപയ്ക്ക് വാങ്ങുന്നത്.

1865 ഏപ്രില്‍ 14-ന് വൈകിട്ട് വാഷിംഗടണ്‍ ഡിസിയിലുള്ള ഫോര്‍ഡ് തിയറ്ററില്‍വച്ചാണ് ഏബ്രാഹം ലിങ്കണ് വെടിയേറ്റത്.