തായ്‌ലന്‍ഡില്‍ കഴിഞ്ഞ മാസം അവസാനം നടന്ന ഒരു അപകടത്തിന്റെ വിഡിയോ സമൂഹമാധ്യമങ്ങളില്‍ വൈറലാകുകയാണ്.

40 അടി നീളമുള്ള കണ്ടെയ്‌നര്‍ ലോറി റോഡില്‍ തന്നെ മറിയുകയായിരുന്നു. ഫ്‌ലൈ ഓവറിലെ ചെറിയ തിരിവില്‍ വളയ്ക്കാന്‍ ശ്രമിച്ചപ്പോഴാണ് അപകടമുണ്ടായത്.

ആ സമയത്ത് സൈഡിലൂടെ പോകുന്ന ബൈക്ക് യാത്രികന്റെ മേല്‍ കണ്ടെയ്‌നര്‍ പതിക്കാതിരുന്നത് ഭാഗ്യം കൊണ്ടുമാത്രമാണ്.

ലോറിയ്ക്ക് പിന്നിലൂടെ സഞ്ചരിച്ച മറ്റൊരു വാഹനത്തിന്റെ ഡാഷ് ബോര്‍ഡ് ക്യാമറയിലാണ് ഈ ഞെട്ടിക്കുന്ന ദൃശ്യങ്ങള്‍ പതിഞ്ഞത്.

ലോറിയുടെ വേഗം കൂടിയതാകാം അപകടകാരണം. അപകടത്തില്‍ ലോറിയുടെ ഡ്രൈവര്‍ക്ക് പരിക്കുപറ്റിയോ എന്ന കാര്യം വ്യക്തമല്ല.