അമ്മയുടെ ഗര്‍ഭപാത്രത്തിനകത്ത് കിടന്ന് തമ്മിലടിക്കുന്ന ഇരട്ടക്കുട്ടികളുടെ സ്‌കാനിംഗ് ചിത്രം വൈറലാകുന്നു.

അള്‍ട്രാസൗണ്ട് സ്‌കാനിംഗില്‍, മുഖാമുഖം നോക്കികിടക്കുന്ന ഇരട്ടകുട്ടികള്‍ തമ്മില്‍ തല്ലുകൂടുന്നത് വ്യക്തമായി മനസ്സിലാകും. ചൈനയിലാണ് സംഭവം നടന്നത്.

നാലുമാസങ്ങള്‍ക്ക് ശേഷം ചൈനയിലെ യിന്‍ചുവാനിലുള്ള ആശുപത്രിയിലായിരുന്നു ഇവരുടെ ജനനം.

കഴിഞ്ഞ ഡിസംബറിലെടുത്ത സ്‌കാനിംഗിലാണ് കുട്ടികള്‍ തമ്മിലുള്ള ഈ ദൃശ്യങ്ങള്‍ പതിഞ്ഞത്.

സാധാരണയായി ഇരട്ട കുട്ടികള്‍ ഗര്‍ഭപാത്രത്തിലെ രണ്ടു അറകളിലായാണ് വളരുന്നത്.

ഈ കേസിലെ പോലെ ഇങ്ങനെ ഒരേ അറയില്‍ കഴിയുന്നത് അപകടകരമാണെന്നാണ് ഡോക്ടര്‍മാരുടെ വിലയിരുത്തല്‍.

30 മില്യണ്‍ കേസുകളില്‍ ഒന്നുമാത്രമാണ് ഇങ്ങനെ സംഭവിക്കുന്നത്. ഈ കുട്ടികള്‍ക്ക് ചെറി, സ്ട്രോബറി എന്നിങ്ങനെയാണ് പേരിട്ടിരിക്കുന്നത്.