കൂട്ടിലേക്ക് കയ്യിട്ട് സിംഹത്തെ തലോടി; പിന്നെ സംഭവിച്ചത് അപ്രതീക്ഷിതമായ കാര്യമല്ല!
സൗത്ത് ആഫ്രിക്കയിലെ പീറ്റര്‍ നോര്‍ജെയും ഭാര്യയും മൃഗശാലാസന്ദര്‍ശനം പ്ലാന്‍ ചെയ്തത് പത്താം വിവാഹവാര്‍ഷികത്തോട് അനുബന്ധിച്ചാണ്.
മൃഗശാലയിലെ കൂട്ടില്‍ കിടക്കുന്ന സിംഹങ്ങളെ കണ്ട് കൗതുകവും വാല്‍സല്യവും തോന്നിയ നോര്‍ജെ കൂട്ടിലേക്ക് കൈയിട്ട് അതില്‍ ഒന്നിനെ തലോടി.
പെട്ടെന്നു തന്നെ മറ്റൊരു സിംഹവും നോര്‍ജെക്ക് അടുത്തേക്ക് ഓടിയെത്തി. സ്വാഭാവികമായും നോര്‍ജെ അതിനെയും പിടിച്ച് തലോടി.
എന്നാല്‍ രണ്ടാമത് വന്ന സിംഹം പീറ്ററിന്റെ കൈ പിടിച്ച് വലിക്കുകയായിരുന്നു.
ഉറക്കെ നിലവിളിച്ച നോര്‍ജെയുടെ ജീവന്‍ ഭാഗ്യം കൊണ്ട് രക്ഷപെട്ടു. സംഭവം പീറ്ററിന്റെ ഭാര്യ ഫോണില്‍ പകര്‍ത്തിയിരുന്നു.
ഈ വിഡിയോ ഇപ്പോള്‍ ട്വിറ്ററിലൂടെ പ്രചരിക്കുകയാണ്. വിഡിയോ കണ്ട് നിരവധി ആളുകള്‍ കമന്റുമായി രംഗത്തെത്തി.
സംഭവത്തില്‍ തങ്ങള്‍ക്ക് യാതൊരു ഉത്തരവാദിത്തവുമില്ലെന്ന് മൃഗശാല അധികൃതരും വ്യക്തമാക്കി. മൃഗങ്ങളുടെ കൂട്ടില്‍ തൊടരുതെന്ന അപായ ബോര്‍ഡ് എല്ലായിടത്തും സ്ഥാപിച്ചിട്ടുണ്ടെന്ന് അവര്‍ പറയുന്നു.
https://www.facebook.com/Malayalivartha
