വേര്പാടിന്റെ ദു:ഖത്തില് അലമുറയിടുന്ന സ്ത്രീയെ കുരങ്ങന് എത്തി ആശ്വസിപ്പിക്കുന്നതിന്റെ ദൃശ്യങ്ങള്
കര്ണാടകയിലെ ഒരു മരണവീട്ടില് നടന്ന സംഭവമാണ് ഇപ്പോള് സമൂഹമാധ്യമങ്ങളുടെ ശ്രദ്ധ നേടുന്നത്. മരിച്ചയാളുടെ ബന്ധുക്കള് കരയുമ്പോള് ആശ്വസിപ്പിക്കാനെത്തുന്ന ഒരു കുരങ്ങന്റെ വിഡിയോയാണ് പുറത്തു വന്നിരിക്കുന്നത്.
സംഭവം വിചിത്രവും മനസ്സില് തൊടുന്നതുമാണ്. മൃതദേഹത്തിനരികെ ഇരുന്ന് കരയുന്ന സ്ത്രീയുടെ അടുത്തേക്ക് നടന്നു വന്ന് അവരുടെ കയ്യിലും തോളിലും തട്ടി ആശ്വസിപ്പിക്കുകയാണ് ഈ കുരങ്ങന്. സ്ത്രീയുടെ തല തന്റെ മാറത്തേച്ച് ചായ്ച്ച് വച്ച് വേദന പങ്കിടുന്നുമുണ്ട് ഈ കുരങ്ങന്.
കര്ണാടകയിലെ നര്ഗുണ്ട് എന്ന സ്ഥലത്തുള്ള 80-കാരനാണ് മരണപ്പെട്ടത്. ബന്ധുക്കളെല്ലാം മൃതദേഹത്തിനരികെ വിഷമിച്ചിരിക്കുന്ന സമയത്താണ് കുരങ്ങന് അവിടേക്ക് നടന്ന് വരുന്നത്. മനുഷ്യനെപ്പോലെ തന്നെ വിവേകപരമായി പെരുമാറുന്ന മൃഗമാണ് ഈ കുരങ്ങനെന്ന് തെളിയിക്കുകയാണ് ഈ വിഡിയോ.
എന്നാല് ഇതാദ്യമല്ല ഈ കുരങ്ങന് ഇങ്ങനെ ചെയ്യുന്നത്. കഴിഞ്ഞ ഒരു വര്ഷത്തോളമായി ഇത് പല മരണവീടുകളിലും എത്തുന്നുണ്ട്. അവിടെയുള്ളവര് പരസ്പരം ആശ്വസിപ്പിക്കുന്നത് കണ്ട് അതുപോലെ അനുകരിക്കുമെന്നാണ് പ്രദേശവസികള് പറയുന്നത്.
മാത്രമല്ല ഇപ്പോള് ഈ നാട്ടിലെ സംസ്കാര ചടങ്ങുകള് പൂര്ത്തിയാകണമെങ്കില് ഈ കുരങ്ങന് വരണമെന്ന സാഹചര്യമാണെന്നും നാട്ടുകാര് പറയുന്നു.
https://www.facebook.com/Malayalivartha