ഉക്രൈന് ദമ്പതികള് ജ്യോതിഷിയുടെ നിര്ദ്ദേശപ്രകാരം 8 വര്ഷത്തിന് ശേഷം ഒരിക്കല് കൂടി മിന്നുകെട്ടി
ഉക്രൈന് സ്വദേശികളും ഇപ്പോള് മോസ്കോ നിവാസികളുമായ അലക്സി (34)-ഡയാന (28)ദമ്പതികളുടെ രണ്ടാം മിന്നുകെട്ട് കഴിഞ്ഞ ദിവസമായിരുന്നു.ജ്യോതിഷിയുടെ നിര്ദേശമനുസരിച്ചാണത്രെ രണ്ടാമതും വിവാഹം.
വീണ്ടും മിന്നുകെട്ടാന് ഉക്രൈന് ദമ്പതിമാര് തിരഞ്ഞെടുത്തത് ആഴിമല ശിവക്ഷേത്ര സന്നിധി. 8 വര്ഷത്തിനു ശേഷമുള്ള ഈ താലികെട്ടലിനു പിന്നില് ജ്യോതിശാസ്ത്ര വിശ്വാസം.
ഇന്റര്നെറ്റ് വഴിയുള്ള അന്വേഷണത്തിലൂടെയാണ് ആഴിമല ശിവക്ഷേത്രം തിരഞ്ഞെടുത്തത്.മേല്ശാന്തിയുടെ കാര്മികത്വത്തില് പരസ്പരം ചുവന്ന റോസാഹാരങ്ങള് ചാര്ത്തി, താലികെട്ടി. ചടങ്ങിനു ഭക്തരും അലക്സിയുടെ സഹോദരിമാരും സാക്ഷികളായി. സുഹൃത്തുക്കള്ക്ക് സല്ക്കാരവും നടത്തി.
കംപ്യൂട്ടര് അധ്യാപകനായ അലക്സി ഓണ്ലൈന് ബിസിനസും നടത്തുന്നുണ്ട്. ഡയാന ബിസിനസ് പങ്കാളിയും. മക്കളായ ബഷേനയും സെലേമയും നാട്ടില് അമ്മൂമ്മക്കൊപ്പമാണ്.
ഡയാന രണ്ടാം തവണയാണ് കേരളത്തിലെത്തുന്നത്. അടുത്ത ഫെബ്രുവരിയില് മക്കളുമായി വീണ്ടുമെത്തുമെന്നും 2-ാം മധുവിധുവിനായി ദുബായിലേക്ക് പോകുകയാണെന്നും അലക്സി പറഞ്ഞു. ക്ഷേത്ര ഭാരവാഹി വിജേഷും ട്രാവല് ഏജന്റായ ഹരിയുമാണ് വിവാഹത്തിനുള്ള സജ്ജീകരണങ്ങള് ഏര്പ്പെടുത്തിയത്.
https://www.facebook.com/Malayalivartha