കന്നിവോട്ട് ചെയ്യാന് പഞ്ചനക്ഷത്രങ്ങള് ഒരുമിച്ചെത്തി
ഒരുമിച്ചു പിറന്ന അഞ്ചു പേര് കന്നിവോട്ടും ഒരുമിച്ചു തന്നെ ചെയ്തു. കൊല്ലം കരുനാഗപ്പള്ളി ആദിനാടുള്ള നാസറുദീന്-റസീന ദമ്പതികളുടെ മക്കളാണ് ഒരുമിച്ചു കന്നിവോട്ട് രേഖപ്പെടുത്തി താരങ്ങളായത്.
ആലപ്പുഴ ലോക്സഭാ മണ്ഡലത്തിലേക്കാണ് ആ അഞ്ച് കന്നിവോട്ടുകള് പിറന്നത്.
ആദിനാട് കന്നേല് വീട്ടില് നാസറുദീന് - റസീന ദമ്പതികളുടെ മക്കളായ മുഹമ്മദ് അമീര്, മുഹമ്മദ് ആദില്, സുമയ്യ, സുബിന, ഷബ്ന എന്നിവരാണ് ആ പഞ്ചനക്ഷത്രങ്ങള്.
ആദിനാട് മുസ്ലിം എല്പിഎസിലെ പോളിങ് ബൂത്തില് മാതാപിതാക്കളോടൊപ്പമെത്തിയാണ് അഞ്ചു പേരും വോട്ട് ചെയ്തത്.
നാസറുദീന് റസീന ദമ്പതികള്ക്ക് 7 വര്ഷത്തെ കാത്തിരിപ്പിനു ശേഷമാണ് 1999 സെപ്റ്റംബര് 13-ന് 5 മക്കള് പിറന്നത്.
അമീറും ആദിലും സ്വകാര്യ കോളജില് ബിഎ രണ്ടാം വര്ഷ വിദ്യാര്ഥികളാണ്. സുമയ്യയും സുബിനയും ഷബ്നയും ടിടിസി കോഴ്സ് പൂര്ത്തിയാക്കി അടുത്ത മാസം നടക്കുന്ന പരീക്ഷയ്ക്കു തയാറെടുക്കുകയാണ്.
https://www.facebook.com/Malayalivartha