ന്യൂസിലന്‍ഡുകാരന്‍ ചാര്‍ലി ഒബ്രേയ്ന്‍ എന്ന പതിനാറുകാരന്റെ ഏറ്റവും പ്രിയപ്പെട്ട വിനോദമാണ് ഊഞ്ഞാലാട്ടം.

ഇപ്പോഴിതാ അവന്‍ ഊഞ്ഞാലാടി ഗിന്നസ് ബുക്കില്‍ കയറിപ്പറ്റിയിരിക്കയാണ്.

33 മണിക്കൂര്‍ തുടര്‍ച്ചയായി ഊഞ്ഞാലാടിയാണ് ഈ പതിനാറുകാരന്‍ റിക്കാര്‍ഡ് തന്റെ പേരിലാക്കിയത്.

2013- ല്‍ ന്യൂസിലന്‍ഡില്‍തന്നെയുള്ള ഒരു സ്ത്രീ സ്ഥാപിച്ച 32 മണിക്കൂറിന്റെ റിക്കാര്‍ഡാണ് ഒബ്രേയ്ന്‍ തകര്‍ത്തത്.

ഒരു രാത്രിയും രണ്ടു പകലുമാണ് ഈ പയ്യന്‍ തുടര്‍ച്ചയായി ഊഞ്ഞാലാടിയത്. ആട്ടത്തിനിടയില്‍ ഓരോ മണിക്കൂറും അഞ്ചു മിനിറ്റ് ഇടവേള ലഭിച്ചിരുന്നു.

ഊഞ്ഞാലാടുന്നതിനുള്ള ഊര്‍ജ്ജത്തിനായി ഇടയ്ക്കിടെ ഭക്ഷണം കഴിക്കുകയും എനര്‍ജി ഡ്രിംഗ്‌സ് കുടിക്കുകയും ചെയ്യുന്നുണ്ടായിരുന്നു.

തുടര്‍ച്ചയായി ചലിക്കുന്നതുമൂലമുള്ള അസ്വസ്ഥത ഒഴിവാക്കാനായി മരുന്ന് കഴിച്ചിരുന്നു.