വീടിന്റെ മതിലില്‍ നിന്നും കിട്ടിയ മുട്ട അടവച്ച് 20 മൂര്‍ഖന്‍ കുഞ്ഞുങ്ങളെ വിരിയിച്ചു
01 JULY 2019 11:10 AM IST
മലയാളി വാര്‍ത്ത
സ്‌നേക് ആന്‍ഡ് അനിമല്‍ റെസ്‌ക്യൂവര്‍ കൈപ്പുറം അബ്ബാസ് പാമ്പിന്‍മുട്ടകളെ അടയിരുത്തി 20 മൂര്‍ഖന്‍ കുഞ്ഞുങ്ങളെ വിരിയിച്ചു.
കഴിഞ്ഞ ആറിന് വിളയൂര്‍ എടപ്പലം മാങ്കുറ്റി പറപ്പൂതൊടി സുധിയുടെ വീട്ടു മതിലിനുള്ളില്‍ നിന്നാണ് മൂര്‍ഖനെയും 20 മുട്ടകളും കിട്ടിയത്.
മാങ്കുറ്റി സെന്ററില്‍ പതിവായി മാളം വിട്ടിറങ്ങി വരുന്ന മൂര്‍ഖന്‍ പൊതുജനങ്ങള്‍ക്ക് ശല്യമായിരുന്നു. നാട്ടുകാര്‍ വിവരം അറിയിച്ചതിനെ തുടര്‍ന്ന് അബ്ബാസ് എത്തി മാളം പൊളിച്ചപ്പോഴാണ് മൂര്‍ഖന്റെ കൂടെ മുട്ടകളും കണ്ടത്.
തുടര്‍ന്ന് മൂര്‍ഖന്‍ പാമ്പിനെ വനംവകുപ്പിന് കൈമാറുകയും മുട്ടകള്‍ തന്റെ ഇന്‍ക്യുബേറ്ററില്‍ അടയിരുത്തുകയുമായിരുന്നു. 21 ദിവസം കൊണ്ട് 20 മുട്ടകളും വരിഞ്ഞു പുറത്തിറങ്ങിയതായി കൈപ്പുറം അബ്ബാസ് പറഞ്ഞു. പാമ്പിന്‍ കുഞ്ഞുങ്ങളെ കാട്ടില്‍ വിട്ടു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
