സഹോദരി ശലഭമായി എത്തി സഹോദരന്റെ വിവാഹം കണ്ടു മടങ്ങി...ലോകം കണ്ട ആ മനോഹരചിത്രത്തിന് പിന്നിലെ കഥ
മരിച്ചുപോയവര്‍ തങ്ങളുടെ പ്രിയപ്പെട്ടവരെ കാണാന്‍ പിന്നേയും വരുമെന്ന് വിശ്വസിക്കുന്നവരുണ്ട്. പെന്‍സില്‍വാനിയയിലുള്ള മാക്‌സ് വാന്‍ ഗോര്‍ഡറിനും കുടുംബത്തിനും ആ വിശ്വാസമുണ്ട്. അടുത്തിടെ അവരുടെ വിശ്വാസം ഉറപ്പിക്കുന്ന രീതിയിലുള്ള ചില കാര്യങ്ങളാണ് അവരുടെ ജീവിതത്തില്‍ നടന്നത്.
മാക്‌സ് വാന്‍ ഗോര്‍ഡര്‍ രണ്ടാഴ്ചയ്ക്കു മുമ്പാണ് വിവാഹിതനായത്. ഏതാനും വര്‍ഷങ്ങള്‍ക്ക് മുന്‍പൊരു ക്രിസ്തുമസ് അവധിക്കാലത്ത് മാക്‌സിന്റെ സഹോദരി വനേസ അപകടത്തില്‍ മരിച്ചുപോയിരുന്നു. തന്റെ കല്യാണദിവസം സഹോദരിയുടെ ഓര്‍മ്മയ്ക്കായി എന്തെങ്കിലും ചെയ്യണമെന്ന് മാക്‌സിന് ആഗ്രഹമായി.
സഹോദരിയുടെ പേരായ വനേസ എന്നതിന്റെ അര്‍ത്ഥം പൂമ്പാറ്റ എന്നായതിനാല്‍ തന്റെ വിവാഹത്തിന്റെ പ്രതിജ്ഞാവാചകം ചൊല്ലുന്നതിന് മുന്‍പ് സഹോദരിയുടെ ഓര്‍മയ്ക്കായി ശലഭങ്ങളെ പറത്താമെന്ന് മാക്‌സ് വാനും കുടുംബവും തീരുമാനിച്ചു.
അങ്ങനെ വിവാഹ സ്ഥലമായ ഫാം ഹൗസില്‍ നിറയെ ശലഭങ്ങളെ അവര്‍ തുറന്നുവിട്ടു. എന്നാല്‍ എല്ലാവരേയും വിസ്മയിപ്പിച്ചുകൊണ്ട്, അവയെല്ലാം പറന്നകലാതെ അവിടെ തന്നെ പാറി നടന്നു.
അതിലൊരു ശലഭം മാക്‌സ് വാനിന്റെ പിതാവിന്റെ വിരല്‍തുമ്പില്‍ വന്നിരുന്നു. വിരലുകള്‍ ചലിപ്പിച്ചിട്ടും അത് പിടിവിടാതെ തന്നെ ഇരുന്നു. ചടങ്ങുകള്‍ അവസാനിക്കുന്നതുവരെ ഇതേ രീതി തുടര്‍ന്നു.
ഉറപ്പായും തന്റെ സഹോദരി ചടങ്ങുകള്‍ കാണാന്‍ ശലഭമായി പുനര്‍ജനിച്ചതാണെന്ന് മാക്‌സ് വാനും കുടുംബവും വിശ്വസിക്കുന്നു. ഈ സുന്ദരനിമിഷം ഫോട്ടോഗ്രാഫര്‍ പകര്‍ത്തിയതോടെ ഒരു അപൂര്‍വ്വ സുന്ദര ചിത്രമായി അത് മാറി.
https://www.facebook.com/Malayalivartha
