തന്റെ മുട്ടകള്‍ ട്രാക്ടര്‍ ഉടച്ചു കളയാതിരിക്കാന്‍ അമ്മക്കിളി തടയുന്നതിന്റെ ഹൃദ്യമായ ദൃശ്യങ്ങള്‍
ചൈനയിലെ ഉലാന്‍കാബ് നഗരത്തില്‍നിന്നുള്ള ഒരു വീഡിയോ ഇപ്പോള്‍ സോഷ്യല്‍ മീഡിയയുടെ ഹൃദയം കവര്‍ന്നിരിക്കുകയാണ്. താന്‍ ഇട്ട
മുട്ടകളുടെ അടുത്തേക്ക് ഒരു ട്രാക്ടര്‍ വരുന്നത് കണ്ടപ്പോള്‍ ചങ്കിടിച്ചു പോയി ഇത്തിരിപ്പോന്ന ആ കിളിയ്ക്ക്!
ഉടന്‍ തന്നെ തന്റെ കുഞ്ഞി ചിറകുകള്‍ വിടര്‍ത്തി ഭീമാകാരമായ ആ ട്രാക്ടറിന്റെ മുന്നില്‍ വന്ന് അതിനെ തടഞ്ഞു നിര്‍ത്താന്‍ നടത്തുന്ന ശ്രമങ്ങള്‍ ആരുടേയും മനസ്സലിയിക്കും.
തവിട്ടു നിറത്തിലുള്ള ഈ പക്ഷിയെ ശ്രദ്ധിച്ച ഡ്രൈവര്‍ വണ്ടി ഉടന്‍ തന്നെ നിര്‍ത്തി. മാത്രമല്ല കൊടും വേനലില്‍ അതിന് കുടിക്കാനായി ഒരു കുപ്പി വെള്ളവും അവിടെ വച്ചു.
ഈ ഹൃദ്യമായ നിമിഷത്തിന്റെ വിഡിയോ ലോകം മുഴുവന്‍ ഇപ്പോള്‍ കണ്ടിരിക്കുകയാണ്. ട്വിറ്ററില്‍ മാത്രം 30,000 പേരാണ് ഈ വിഡിയോ കണ്ടിരിക്കുന്നത്.
മറ്റ് സാമൂഹ്യ മാധ്യമങ്ങളിലൂടെയും ഇത് നിരവധിപ്പേര്‍ കണ്ടു കഴിഞ്ഞു. മനസ്സില്‍ തട്ടുന്നതെന്നും, പറയാന്‍ വാക്കുകളില്ലായെന്നുമാണ് വിഡിയോ കണ്ട് പലരും പ്രതികരിച്ചിരിക്കുന്നത്.
https://www.facebook.com/Malayalivartha
