പഴങ്ങളും പച്ചക്കറികളുമൊക്കെ കേട് കൂടാതെ എത്ര ദിവസം സൂക്ഷിച്ചുവയ്ക്കാന്‍ പറ്റുമെന്ന് നമുക്കൊക്കെ അറിയാം. ഒരു ഓറഞ്ച് പരമാവധി മൂന്നോ നാലോ ദിവസം കേടുകൂടാതെ ഇരിക്കും. ദിവസങ്ങള്‍ നീളുന്തോറും പുറം തോട് ചീഞ്ഞ് തുടങ്ങും. എന്നാല്‍ മാസം നാല് കഴിഞ്ഞിട്ടും കേടു കൂടാതെ ഫ്രഷ് ആയിട്ടിരിക്കുന്ന രണ്ട് ഓറഞ്ചുകളാണ് ഒരു യുവാവ് പരിചയപ്പെടുത്തുന്നത്.

'4 മാസം പഴക്കമുള്ള ഫ്രഷ് ഓറഞ്ച്.... മാസം 4 ആയിട്ടും ഇതുവരെ കേടു വന്നിട്ടില്ല... ഭാര്യയ്ക്ക് 7 മാസം ആയപ്പോ കൂട്ടുകാര്‍ കൊണ്ടുവന്നത്... ഇപ്പോള്‍ പ്രസവം കഴിഞ്ഞ് മാസം ഒന്ന് ആയി' എന്ന കുറിപ്പോടെയാണ് പൃഥ്വിരാജ് എന്ന യുവാവിന്റെ പോസ്റ്റ്. ഒരു പ്രമുഖ ഫെയ്‌സ്ബുക്ക് ഗ്രൂപ്പിലാണ് യുവാവ് ഓറഞ്ചിന്റെ ചിത്രം സഹിതം പോസ്റ്റ് ചെയ്തിരിക്കുന്നത്.

പൊതുവേ കടകളില്‍ നിന്നു ലഭിക്കുന്ന പഴവര്‍ഗങ്ങളിലൊക്കെ കീടനാശിനികളും കേടാകാതെയിരിക്കാനുള്ള മരുന്നുകളും ധാരാളമായി ഉപയോഗിക്കുന്നത് കടുത്ത ആശങ്ക സൃഷ്ടിക്കുന്നതിനിടെയാണ് ഈ പോസ്റ്റ് എന്നത് ഗൗരവമേറിയ വിഷയമാണ്. കീടനാശിനികള്‍ അമിതമായി ഉപയോഗിച്ചിട്ടില്ലാത്തതിനാല്‍ കേടാകാത്തത് ആണോ അതോ കേടാകാതെ ദീര്‍ഘകാലം ഇരിക്കാനുള്ള രാസവസ്തു അമിതമായി ഉപയോഗിച്ചതിനാല്‍ കേടാകാതെ ഇരിക്കുന്നതാണോ എന്ന് തിരിച്ചറിയുവാന്‍ മാര്‍ഗ്ഗമെന്തങ്കിലും ഉണ്ടോ ആവോ!