നദിയിലെ കുത്തൊഴുക്കില്പ്പെട്ട സ്ത്രീയ്ക്ക് സിആര്പിഎഫ് ജവാന്മാര് രക്ഷകരായി!
ജമ്മു കാഷ്മീരിലെ ബാരാമുള്ളയില് നദിയില് വീണ സ്ത്രീക്കു സിആര്പിഎഫ് ജവാന്മാര് രക്ഷകരായി.
ദിവസനേയുള്ള പട്രോളിംഗിന് ഇറങ്ങിയ സിആര്പിഎഫ് ജവാന്മാര് ടാംഗ്മാര്ഗ് ടൗണിനു സമീപം ഒരു സ്ത്രീയുടെ കരച്ചില് കേട്ട് ഓടിയെത്തുകയായിരുന്നു.
ഒരു സ്ത്രീ വെള്ളത്തില് ഒഴുക്കില്പ്പെട്ടതായി ജവാന്മാര് കണ്ടു. ഉടന്തന്നെ നദിയിലേക്കു കുതിച്ച ജവാന്മാര് ശക്തമായ ഒഴുക്കിനെ അതിജീവിച്ച് പാറകള്ക്കിടയിലൂടെ സ്ത്രീയുടെ സമീപമെത്തി.
തുടര്ന്ന് രണ്ടു ജവാന്മാര് നദിയിലേക്കു ചാടി സ്ത്രീയെ പിടിക്കാന് ശ്രമിച്ചെങ്കിലും സാധിച്ചില്ല. ഇതോടെ മറ്റു ജവാന്മാരും നദിയിലേക്കു ചാടി മനുഷ്യചങ്ങല സൃഷ്ടിച്ചു. കുറച്ചു സമയത്തെ പരിശ്രമത്തിനുശേഷം സ്ത്രീയെ രക്ഷിക്കാന് ജവാന്മാര്ക്കു കഴിഞ്ഞു.
ഇതിന്റെ വീഡിയോ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
രാജ്യത്തെ ജനങ്ങളുടെ ജീവന് സംരക്ഷിക്കാന് ഇന്ത്യയിലെ സൈനികര് എപ്പോഴും സജ്ജരാണെന്നു തെളിയിക്കുന്നതാണ് ബരാമുള്ളയിലെ സംഭവമെന്ന് സമൂഹമാധ്യമങ്ങള് പ്രശംസിക്കുന്നു.
https://www.facebook.com/Malayalivartha