മൃഗശാലയിലായാലും സര്‍ക്കസിലായാലും അപകടത്തിന് സാധ്യത ഏറെയാണ്. കൂട്ടിലടക്കപ്പെട്ട ആ മൃഗങ്ങളൊക്കെ എപ്പോഴാണ് പ്രകോപിതരാവുക എന്ന് ആര്‍ക്കുക്കറിയില്ല. അതുകൊണ്ടാണ് എല്ലാവരോടും ജാഗ്രതയോടെ ആയിരിക്കണമെന്ന് ആവശ്യപ്പെടുന്നത്. ഒരു സര്‍ക്കസ് പ്രദര്‍ശനത്തിനിടെ കൂട്ടില്‍ നിന്നു കടുവ പുറത്തു ചാടുന്നതിന്റെ വീഡിയോ സോഷ്യല്‍ മീഡിയയില്‍ വൈറലാകുന്നു.

ചൈനയിലെ ഷാന്‍സി പ്രവിശ്യയിലെ ലിന്‍ഫെനിലാണ് സംഭവം. സര്‍ക്കസ് കൂട്ടില്‍ നിന്നും പുറത്തു ചാടിയ കടുവയെ കണ്ട് ആളുകള്‍ പരിഭ്രമിച്ച് ഓടുന്നതിനിടെ കടുവ രണ്ടു കുട്ടികളെ ആക്രമിക്കുകയും ചെയ്തു. ആശുപത്രിയില്‍ പ്രവേശിപ്പിച്ച ഇവരുടെ പരിക്കുകള്‍ ഗുരുതരമല്ലെന്നാണ് അറിയാന്‍ സാധിക്കുന്നത്.

കടുവ കൂട്ടില്‍ നിന്നും പുറത്തു ചാടുവാനുണ്ടായ സാഹചര്യം വ്യക്തമല്ല. സംഭവത്തെപ്പറ്റി പൊലീസ് അന്വേഷിക്കുന്നുണ്ട്. അപകട സ്ഥലത്തു നിന്നും ഒരാള്‍ പകര്‍ത്തിയ ദൃശ്യങ്ങള്‍ സോഷ്യല്‍മീഡിയയില്‍ പങ്കുവെച്ചതിനെ തുടര്‍ന്ന് വൈറലാകുകയാണ്. ഇത്തരത്തില്‍ സര്‍ക്കസ് കൂടാരങ്ങളില്‍ നിന്ന് മൃഗങ്ങളുടെ ആക്രമണത്തില്‍ പരിക്കേറ്റവര്‍ ഒരുപാടുണ്ട്.