കാനഡയിലെ മഞ്ഞ് നിറഞ്ഞ മലമുകളിലൂടെ സ്‌നോ മൊബീല്‍ ഉപയോഗിച്ച് യാത്ര ചെയ്യുകയായിരുന്നു ഇവര്‍.യാത്രയുടെ വീഡിയോയും പകര്‍ത്തുന്നുണ്ട്. അപ്പോള്‍ എത്ര താഴ്ചയില്‍ മഞ്ഞ് ഉണ്ടെന്ന് കാണിക്കാനായി ഒരാള്‍ മഞ്ഞിനിടയിലേക്ക് എടുത്ത് ചാടി.

ചാടിയ ആളെ കാണാനില്ല. ഒരു നിമിഷം വീഡിയോ കണ്ടിരിക്കുന്ന നമ്മളും ഞെട്ടിപ്പോകും. കാമറയുമായി അടുത്തേക്ക് ചെല്ലുമ്പോള്‍ മഞ്ഞിനടിയില്‍ അയാളുണ്ട്. തന്റെ കാല് ഇനിയും അടിയില്‍ മുട്ടിയിട്ടില്ലെന്ന് പറഞ്ഞ് ആയാള്‍ അപ്പോഴും ചിരിക്കുകയായിരുന്നു.

മഞ്ഞില്‍ കുടുങ്ങിപ്പോയയാള്‍ക്ക് അനങ്ങാന്‍ പോലും കഴിയുന്നുണ്ടായിരുന്നില്ല. അപകടകരമായിരുന്നു ആ ചാട്ടം.. കുറച്ചു കൂടി താഴ്ന്നു പോയിരുന്നെങ്കില്‍ രക്ഷിക്കാന്‍ വളരെ ബുദ്ധിമുട്ടിയേനെ! ഇപ്പോള്‍ത്തന്നെ 6 അടിയിലേറെ മഞ്ഞ് വീണുകഴിഞ്ഞു.