പു​ല​ർ​ച്ചെ ന​ട​ക്കു​ന്ന സ്ത്രീ​ക​ളെ ഭ​യ​പ്പെ​ടു​ത്താ​ൻ ക​ണ്ണൂ​രി​ൽ പ്രേ​ത വേ​ഷം കെ​ട്ടി​യ വെള്ള മാക്സിക്കാരന്റെ നാ​ട​കം. ഇ​ന്നു പു​ല​ർ​ച്ചെ 5.30 ഓ​ടെ പയ്യാമ്പലം ഗേ​ൾ​സ് ഹൈ​സ്കൂ​ളി​നും മി​ലി​ട്ട​റി ഹോ​സ്പി​റ്റ​ലി​നും ഇ​ട​യി​ലാ​യി​രു​ന്നു സം​ഭ​വം. സ്വ​കാ​ര്യ എ​ഫ്എ​മ്മി​ൽ ആ​ർ​ജെ ആ​യി ജോ​ലി​ചെ​യ്യു​ന്ന യു​വ​തി​യും അ​യ​ൽ​വാ​സി​യാ​യ യു​വ​തി​യും പു​ല​ർ​ച്ചെ ന​ട​ക്കു​ന്ന​തി​നി​ടെ​യാ​ണ് പ്രേ​ത​വേ​ഷം കെ​ട്ടി​യ യു​വാ​വി​നെ ക​ണ്ട​ത്.

യു​വ​തി​ക​ൾ റോ​ഡി​ലൂ​ടെ ന​ട​ന്നു​പോ​കു​ന്ന​തി​നി​ട​യി​ൽ സ​മീ​പ​ത്തെ പ​ഴ​യ വീ​ടി​ന്‍റെ മ​തി​ൽ ചാ​ടി​ക്ക​ടന്നാണ് പ്രേതം വന്നത് . സ്ത്രീകൾ അടുത്തെത്തിയപ്പോൾ പ്രേതം റോഡിനു നടുക്ക് ഇറങ്ങി നിന്നു .. യു​വ​തി​ക​ൾ ഏതോ ഞരമ്പ് രോ​ഗി​യാ​ണെ​ന്ന് ധ​രി​ച്ച് ന​ട​ന്നു​നീ​ങ്ങി​യെ​ങ്കി​ലും ഇ​വ​ർ പ്രേതത്തിന്റെ അ​ടു​ത്തെ​ത്തിയപ്പോൾ വാ​യ പി​ള​ർ​ന്നു കാ​ണി​ക്കു​ക​യാ​യി​രു​ന്നു.

അ​പ്പോ​ൾ ര​ക്തം കു​ടി​ച്ച ര​ക്ഷ​സി​നെ പോ​ലെ പ​ല്ലി​ൽ​നി​ന്ന് ര​ക്തം ഉ​റ്റു​ന്ന രീ​തി​യി​ൽ വാ​യി​ൽ വ​ലി​യ പ്ര​കാ​ശം പു​റ​ത്തേ​ക്കു വ​രു​ന്ന രീ​തി​യി​ലാ​യി​രു​ന്നു രൂ​പം. ഇ​തു ക​ണ്ട​ത്തോ​ടെ ഇ​രു​വ​രും പ്രാ​ണ​ര​ക്ഷാ​ർ​ഥം ഓ​ടു​ക​യും അ​ടു​ത്ത ക​ണ്ട പ​ട്ടാ​ള​ക്കാ​ര​നോ​ട് കാ​ര്യം പ​റ​യു​ക​യു​മാ​യി​രു​ന്നു.

ഇ​തി​നു​ശേ​ഷം ഇ​വ​ർ മൂ​ന്നു​പേ​രെ വ​ന്നു നോ​ക്കി​യെ​ങ്കി​ലും ഈ ​വെ​ള്ള മാ​ക്സി​ക്കാ​രി ധരിച്ച രൂപം എ​സ്എ​ൻ പാ​ർ​ക്ക് ഭാ​ഗ​ത്തേ​ക്ക് ര​ക്ഷ​പ്പെ​ട്ടു. ഇ​വ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് വ​നി​താ​സെ​ല്ലി​ൽ​നി​ന്നു​ള്ള പോ​ലീ​സും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​ല്ല. വെ​ളു​ത്ത് അ​ജാ​നു​ബാ​ഹു​വാ​യ ഒ​രാ​ളാ​ണ് വേ​ഷം കെ​ട്ടി​യെ​ത്തി​യ​തെ​ന്ന് ഇ​രു​വ​രും പോ​ലീ​സി​നോ​ട് പ​റ​ഞ്ഞു.