അമ്മയ്ക്ക് മാത്രം മനസ്സിലാകുന്ന ശരത്ചന്ദ്രന്റെ ലോകത്ത് തനിച്ചായി ആ മകന്!
പാലക്കാട് ഒറ്റപ്പാലം വേങ്ങേരി ക്ഷേത്രത്തിന് സമീപം ദേവാമൃതത്തില് രാമചന്ദ്രക്കുറുപ്പിന്റെ ഭാര്യ ശൈലജയ്ക്കും അമേരിക്കയിലെ ഡിസ്നിക്രൂസ് ലൈന്സ് എന്ന ഷിപ്പിങ് കോര്പറേഷനില് ചീഫ് സെക്യുരിറ്റി ഓഫീസറായ രാമചന്ദ്രക്കുറുപ്പിനും മൂന്ന് മക്കളാണ്.
ഇതില് മൂത്തയാളായ ശരത്ചന്ദ്രന് ബുദ്ധിവികാസമില്ല. മുപ്പതുകാരനായ മകന്റെ ചുണ്ടില് നിന്നും 'അമ്മേ' എന്ന വിളിയൊന്ന് കേള്ക്കാന് ശൈലജ വളരെ ആശിച്ചിരുന്നു.
ഒടുവില് ശരത്ചന്ദ്രന് 'അമ്മേ' എന്ന് നീട്ടി വിളിച്ചപ്പോള് ആ വിളികേള്ക്കാന് ശൈലജയില്ല.
തലച്ചോറിലേയ്ക്ക് ഓക്സിജന് എത്തുന്നതിലെ തടസത്തെ തുടര്ന്ന് പാതിബോധത്തോടെ ഒരു മാസത്തോളം ആശുപത്രിക്കിടക്കയില് കഴിഞ്ഞ ശൈലജ ഇക്കഴിഞ്ഞ തിങ്കളാഴ്ച രാത്രി മരണത്തിന് കീഴടങ്ങി.
അതോടെ അമ്മയ്ക്ക് മാത്രം മനസ്സിലാകുന്ന ആ ലോകത്ത് ശരത്ചന്ദ്രന് തനിച്ചായി.
https://www.facebook.com/Malayalivartha