പ്രതീക്ഷിച്ചതു സംഭവിക്കുന്നു; കത്ത് പണി തുടങ്ങി; കത്തെഴുതിവരെ വിമര്ശിച്ച് രാഹുല്; കത്തെഴുതിയവര് ബി.ജെ.പിയുമായി കൈകോര്ക്കുകയാണെന്ന് രാഹുല് ; കപില് സിബലും ഗുലാം നബി ആസാദും രാജിക്ക് ഒരുങ്ങുന്നു
കോണ്ഗ്രസ് ഹൈകമാന്റിനെതിരെ 23 മുതര്ന്ന് നേതാക്കള് ചേര്ന്നും കത്തെഴുതുന്നു, കത്ത് പുറത്ത് വന്നപ്പോള് സോണിയാ ഗാന്ധി രാജി തയ്യാറെന്ന് അറിയിക്കുന്നു, ഇന്നത്തെ കോണ്ഗ്രസ് പ്രവര്ത്തക സമിതിയോഗത്തെ ശ്രദ്ധേയമാക്കിയത് ഇതൊല്ലാം തന്നെയാണ്. ഹൈകമാന്റിനെ ചോദ്യം ചെയ്ത് നേതാക്കള് രംഗത്ത് വന്നപ്പോള് ഇന്ന് എന്തെങ്കിലുമൊക്കെ നടക്കുമെന്ന് രാഷ്ട്രീയ നിരീക്ഷകര് കരുതിയതില് തെറ്റില്ല. കോണ്ഗ്രസ് വന് പൊട്ടിത്തെറിലേക്കാണ് നീങ്ങുന്നതെന്നാണ് പുറത്ത് വരുന്ന പുതിയ വിവരങ്ങള് സൂചിപ്പിക്കുന്നത്. കോണ്ഗ്രസില് നേതൃമാറ്റമാവശ്യപ്പെട്ട് കത്തെഴുതിയ നേതാക്കള്ക്ക് എതിരെ ഗുരുതര ആരോപണവുമായി രാഹുല് ഗാന്ധി ഉന്നയിച്ചത് . കത്തെഴുതിയവര്ക്കു പിന്നില് ബി.ജെ.പിയാണെന്ന് രാഹുല് ആരോപിക്കുന്നത്. കത്തെഴുതാന് തിരഞ്ഞെടുത്ത സമയത്തെയും രാഹുല് വിമര്ശിച്ചു. സോണിയ ഗാന്ധി ആശുപത്രിയില് കഴിയുമ്പോഴും രാജസ്ഥാനില് പ്രതിസന്ധി നടക്കുമ്പോഴുമായിരുന്നു 23 നേതാക്കള് കത്ത് എഴുതിയത്. ഇത് അംഗീകരിക്കാന് സാധിക്കില്ലെന്നും രാഹുല് വ്യക്തമാക്കി.
അതേസമയം രാഹുലിന്റെ ആരോപണത്തിനെതിരെ മുതിര്ന്ന നേതാക്കളായ കപില് സിബലും ഗുലാം നബി ആസാദും രംഗത്തെത്തി. ആരോപണത്തിനു പിന്നില് ബി.ജെ.പി. ആണെന്ന് തെളിഞ്ഞാല് രാജി വെക്കാമെന്ന് ഗുലാം നബി ആസാദ് പ്രതികരിച്ചു. 23 നേതാക്കളാണ് നേതൃത്വത്തിനെതിരെ കത്തെഴുതിയത്. ഇത് പാര്ട്ടിക്കുള്ളില് പൊട്ടിത്തെറിക്ക് വഴിവെച്ചിരിക്കുകയാണ്. കത്തെഴുതിയവര് ബി.ജെ.പിയുമായി കൈ കോര്ക്കുകയാണെന്നായിരുന്നു രാഹുലിന്റെ വിമര്ശം. ഇത്തരത്തിലൊരു കത്ത് ബിജെപിക്ക് സഹായകരമായെന്ന് ആര്ക്കെങ്കിലും തോന്നിയിട്ടുണ്ടെങ്കില്, ബിജെപിയുടെ നിര്ദേശത്തോടെയാണ് ഇത്തരമൊരു കത്ത് അയച്ചതെന്ന തോന്നല് ആരിലെങ്കിലും ഉണ്ടായിട്ടുണ്ടെങ്കില് പാര്ട്ടിയില് നിന്നും രാജിവെച്ച് പുറത്തുപോകുന്നതില് മടിയില്ല' എന്നായിരുന്നു ഗുലാം നബി ആസാദ് പറഞ്ഞത്. കത്തയച്ച സമയത്തെ ചോദ്യം ചെയ്ത് രാഹുല് ഗാന്ധി രംഗത്തെത്തിയതോടെയായിരുന്നു ഗുലാം നബി ആസാദ് വൈകാരികമായി പ്രതികരിച്ചത്.
കപില് സിബല് ട്വിറ്ററിലൂടെയാണ് പ്രതികരണം നടത്തിയത്. കഴിഞ്ഞ 30 വര്ഷത്തിനിടയില് നേതൃത്വത്തിന് എതിരെ ഒരു പ്രസ്താവന പോലും താന് നടത്തിയിട്ടില്ല. രാജസ്ഥാന് സര്ക്കാരിനെ നിലനിര്ത്താന് ഹൈക്കോടതിയില് താന് നിലപാട് എടുത്തു. ഇത്രയൊക്കെ ചെയ്തിട്ടും ഇപ്പോള് താന് ബി.ജെ.പിക്കൊപ്പം ചേര്ന്നുവെന്നാണ് പറയുന്നതെന്നും സിബല് പറഞ്ഞു.അധ്യക്ഷപദം രാജി വെക്കാനുള്ള സന്നദ്ധത സോണിയ ഗാന്ധി യോഗത്തില് വ്യക്തമാക്കിയിരുന്നു. സോണിയ അധ്യക്ഷസ്ഥാനത്ത് തുടരണമെന്ന് മന്മോഹന് സിങ്ങും എ.കെ. ആന്റണിയും ആവശ്യപ്പെട്ടു. നേതൃമാറ്റവുമായി ബന്ധപ്പെട്ട് 23 നേതാക്കള് കത്ത് എഴുതിയത് ചോര്ന്നതിനെ കെ.സി. വേണുഗോപാല് വിമര്ശിച്ചു.
നേതൃമാറ്റം ആവശ്യപ്പെട്ട് എഴുതിയ കത്ത് പുറത്തെത്തിയതിനു പിന്നാലെ കോണ്ഗ്രസില് രണ്ടുചേരി രൂപപ്പെടുന്നുവെന്നാണ് വ്യക്തമാകുന്നത്. ഇതില് ഇനി എന്താണ് സംഭവിക്കാന് പോകുന്നതെന്ന് കണ്ടറിയണം. രാഹുല് അധ്യക്ഷ സ്ഥാനം ഏറ്റെടുത്താന് പ്രശ്നങ്ങള്ക്ക് പരിഹാരമായേക്കാം. അല്ലാത്ത പക്ഷം നെഹ്റു കുടുംബത്തിന് പുറത്ത് നിന്ന് അധ്യക്ഷനെ കണ്ടെത്തുകയാണെങ്കില് നെഹ്റു കുടുംബത്തിനോട് അടുപ്പം പുലര്ത്തുന്ന മുതിര് നേതാക്കളാകും അധ്യക്ഷ സ്ഥാനത്ത് എത്തുക. ഇത് പാര്ട്ടിയിലെ പ്രശ്നങ്ങള് കൂടുതല് വഷളാക്കുകയും ചെയ്യും. മുതിര്ന്ന് നേതാക്കളെ പരിഗണിക്കുകയാണെങ്കില് എ.കെ ആന്റണിക്കും അഹമ്മദ് പട്ടേലിനും മൊക്കയാണ് കൂടുതല് സാധ്യത.
https://www.facebook.com/Malayalivartha