മുംബൈയും ചെന്നൈയും നേര്‍ക്കുനേര്‍.. ഇന്ന് രാത്രി 7.30 മുതല്‍ ഹൈദരാബാദ് ചെപ്പോക്ക് സ്‌റ്റേഡിയത്തില്‍ പന്ത്രണ്ടാം ഐ.പി.എല്‍. ഫൈനല്‍
ഇന്ത്യന്‍ പ്രീമിയര്‍ ലീഗില്‍ ഏറ്റവും കൂടുതല്‍ നേട്ടമുണ്ടാക്കിയ രണ്ടു ടീമുകളാണ് ചെന്നൈ സൂപ്പര്‍ കിങ്‌സും മുംബൈ ഇന്ത്യന്‍സും. ചെന്നൈ എട്ടുതവണ ഫൈനല്‍ കളിച്ചപ്പോള്‍ മുംബൈ നാലുതവണ കിരീടപോരാട്ടത്തിനെത്തി. കളിയിലും കണക്കുകളിലും തുല്യശക്തികള്‍. ഇന്ന് വീണ്ടുമൊരു ഫൈനലില്‍ മുംബൈയും ചെന്നൈയും നേര്‍ക്കുനേര്‍ വരുമ്പോള്‍ ഒരു കണക്ക് തെറ്റും. ഐ.പി.എല്ലില്‍ ഏറ്റവും കൂടുതല്‍ കിരീടം എന്ന റെക്കോഡ് ഒരു ടീമിന് സ്വന്തമാകും. ഇന്ന് രാത്രി 7.30 മുതല്‍ ഹൈദരാബാദ് ചെപ്പോക്ക് സ്‌റ്റേഡിയത്തിലാണ് പന്ത്രണ്ടാം ഐ.പി.എല്‍. ഫൈനല്‍.
ഒന്നാം ക്വാളിഫയറില്‍ ചെന്നൈയെ ആറു വിക്കറ്റിന് തോല്‍പ്പിച്ച് മുംബൈ ഫൈനലിലേക്ക് കുതിച്ചപ്പോള്‍ വെള്ളിയാഴ്ച രണ്ടാം ക്വാളിഫയറില്‍ ഡല്‍ഹി ക്യാപിറ്റല്‍സിനെ ആറു വിക്കറ്റിന് തോല്‍പ്പിച്ചാണ് ചെന്നൈ ഫൈനലിന് യോഗ്യത നേടിയത്.
മുംബൈയും ചെന്നൈയും മൂന്നുതവണ വീതം കിരീടം നേടിയിട്ടുണ്ട്. ഇന്ത്യയുടെ മുന്‍ നായകന്‍ എം.എസ്. ധോനി നയിക്കുന്ന ചെന്നൈ ടീം ഏഴുതവണ ഫൈനലിലെത്തി അതില്‍ നാലുതവണ തോറ്റു. രോഹിത് നയിക്കുന്ന മുംബൈ ഇന്ത്യന്‍സ്, കളിച്ച നാലു ഫൈനലില്‍ മൂന്നിലും ജയിച്ചു. നേര്‍ക്കുനേര്‍ ഫൈനലില്‍ മൂന്നുവട്ടം എതിരിട്ടപ്പോള്‍ രണ്ടിലും വിജയം മുംബൈക്കായിരുന്നു. മുംബൈയുമായി 29 ആകെ മത്സരം കളിപ്പോള്‍ 18 തവണ ചെന്നൈ തോറ്റു. എന്നാല്‍ നിര്‍ണായകഘട്ടത്തില്‍ തിരിച്ചുവരാനുള്ള ശേഷിയും ധോനിയുടെ നായകമികവും അവരുടെ ശക്തിയാകുന്നു.
"
https://www.facebook.com/Malayalivartha
