ധോണിയുടെ നല്ല കാലം കഴിഞ്ഞു; യുവ താരങ്ങള്ക്കായി ധോണി മാറിക്കൊടുക്കണമെന്നും റോജര് ബിന്നി; ആരാധകര് പ്രതീക്ഷിക്കുന്ന മടങ്ങി വരവ് ഐ.പി.എല്ലിന് ശേഷമുണ്ടാകില്ല? ക്രിക്കറ്റ് ലോകം ഉറ്റുനോക്കുന്നു
ഐ.പി.എല് മത്സരങ്ങളില് മികച്ച പ്രകടനം പുറത്ത് എടുക്കുയാണെങ്കില് ലോകകപ്പില് ധോണി കളിക്കാനുള്ള സാധ്യത ഏറെയാണെന്നാണ് വിലയിരുത്തപ്പെടുന്നത്. എന്നാല് ഇതിന് വിരുദ്ധമായൊരു അഭിപ്രായമാണ് മുതിര്ന്ന ക്രിക്കറ്റ് താരമായ റോജര് ബിന്നി പറയുന്നത്. ധോണിയുടെ നല്ലകാലം കഴിഞ്ഞെന്ന അഭിപ്രായമാണ് റോജര് ബിന്നിക്കുള്ളത്. ഇന്ത്യന് ക്രിക്കറ്റ് ടീം മുന് ക്യാപ്റ്റന് എം.എസ്. ധോണി യുവതലമുറയ്ക്കു വേണ്ടി വഴിമാറിക്കൊടുക്കേണ്ട സമയമാണിതെന്ന് മുന് ഇന്ത്യന് താരം റോജര് ബിന്നി. ധോണിയുടെ ഫിറ്റ്നസ് കുറഞ്ഞു വരികയാണ്. മുന്പ് കളിച്ചതുപോലെ ധോണിക്ക് ഇനി അധികകാലം കളിക്കാന് സാധിക്കില്ല. യുവ താരങ്ങള്ക്കായി ധോണി മാറിക്കൊടുക്കണമെന്നും റോജര് ബിന്നി പ്രതികരിച്ചു. 1983ല് ലോകകപ്പ് നേടിയ ഇന്ത്യന് ടീമില് അംഗമായിരുന്നു റോജര് ബിന്നി.
പ്രതാപകാലം കഴിഞ്ഞ സ്ഥിതിക്ക് ഭാവിയെപ്പറ്റി ധോണി ഗൗരവമായി ചിന്തിക്കേണ്ട സമയമാണിതെന്നും സ്പോര്ട്സ് കീഡക്ക് നല്കിയ അഭിമുഖത്തില് ബിന്നി പറഞ്ഞു. കഴിഞ്ഞ കുറച്ചു സീസണുകളിലെ പ്രകടനം നോക്കിയാല് ധോണി അദ്ദേഹത്തിന്റെ നല്ല കാലം പിന്നിട്ടുവെന്ന് മനസിലാവും. ഏത് പ്രസിന്ധിഘട്ടത്തിലും കൂളായി നിന്ന് ബുദ്ധിപരമായി കളി ജയിപ്പിക്കാനും സഹതാരങ്ങളെ പ്രചോദിപ്പിക്കാനുമുള്ള കഴിവായിരുന്നു ധോണിയുടെ ഏറ്റവും വലിയ പ്രത്യേകത. എന്നാല് കഴിഞ്ഞ കുറച്ചു കാലങ്ങളായി ശാരീരികക്ഷമതയില് ധോണി അല്പം പുറകോട്ട് പോയിട്ടുണ്ടെന്നത് യാഥാര്ത്ഥ്യമാണ്. ഒട്ടേറെ യുവതാരങ്ങള് ഇപ്പോള് ഇന്ത്യന് ടീമിലെത്തുന്നുണ്ട്. അതുകൊണ്ടുതന്നെ മികവിന്റെ കാലം പിന്നിട്ട ധോണി ഭാവിയെക്കുറിച്ച് ഗൗരവമായി ചിന്തിക്കണം. അദ്ദേഹം തന്നെയാണ് അക്കാര്യത്തില് ശരിയായ തീരുമാനം എടുക്കേണ്ടയാള്.
ക്യാപ്റ്റനെന്ന നിലയില് ധോണി പുറത്തെടുത്ത മികവിനെ അഭിനന്ദിക്കാനും ബിന്നി മറന്നില്ല. മുന് താരങ്ങളോട് എന്നും ബഹുമാനത്തോടെ മാത്രം ഇടപെടുന്ന ധോണി എന്ത് കാര്യവും തുറന്നു പറയുകയും അദ്ദേഹത്തിന് ആവശ്യമുള്ള താരങ്ങളെ സെലക്ടര്മാരോട് ചോദിച്ചു വാങ്ങുകയും ചെയ്യുമായിരുന്നുവെന്നും ബിന്നി പറഞ്ഞു. അദ്ദേഹമാണ് ഗ്രൗണ്ടില് ടീമിനെ നയിക്കുന്നത്. അതുകൊണ്ട് അദ്ദേഹം ആവശ്യപ്പെടുന്നത് നല്കുക എന്നത് സെലക്ടര്മാര് എന്ന നിലയില് ഞങ്ങളുടെ കടമയായിരുന്നു. സെലക്ഷന് കമ്മിറ്റി ചെയര്മാനോടോ മറ്റ് സെലക്ടര്മാരോടോ ഒരിക്കലും അദ്ദേഹം തര്ക്കിക്കുന്നത് കണ്ടിട്ടില്ല. ഊഷ്മളമായ ബന്ധമാണ് അദ്ദഹേവുമായി ഉള്ളതെന്നും ബിന്നി പറഞ്ഞു. 2012ല് ബിസിസിഐയുടെ അഞ്ചംഗ സിലക്ഷന് പാനലില് അംഗം കൂടിയായിരുന്നു റോജര് ബിന്നി.
2019ല് ന്യൂസീലാന്ഡിനെതിരായ ലോകകപ്പ് സെമി ഫൈനലിന് ശേഷം ധോണി ഇന്ത്യയ്ക്കായി കളിച്ചിട്ടില്ല. സൈന്യത്തില് സേവനത്തിനു പോയ ധോണി തിരിച്ചെത്തിയ ശേഷവും ക്രിക്കറ്റില്നിന്നു വിട്ടുനില്ക്കുകയായിരുന്നു. ഐപിഎല്ലില് ചെന്നൈ സൂപ്പര് കിങ്സിനെ നയിച്ചുകൊണ്ടു ധോണി തിരിച്ചുവരുമെന്നു പ്രതീക്ഷിച്ചെങ്കിലും കോവിഡ് മഹാമാരി കാരണം ഐപിഎല് നീട്ടിവയ്ക്കുകയായിരുന്നു. യുഎഇയില് നടക്കുന്ന ഇത്തവണത്തെ ഐപിഎല് സീസണില് ചെന്നൈ സൂപ്പര് കിങ്സില് കളിച്ച് ധോണി ക്രിക്കറ്റില് വീണ്ടും സജീവമാകുമെന്നാണ് ആരാധകരുടെ പ്രതീക്ഷ. ഈ വര്ഷം ഓസ്ട്രേലിയയില് നടക്കേണ്ടിയിരുന്ന ടി20 ലോകകപപ്പ് മാറ്റി വച്ചതിനാല് ഐ.പി.എല് മത്സരങ്ങളുടെ പ്രകടനം ഇന്ത്യന് ടീമില് ധോണിയെ എത്തിക്കുമെന്നും പ്രതീക്ഷയുണ്ട്.
https://www.facebook.com/Malayalivartha