ബാറ്റ് കൊണ്ടും പന്ത് കൊണ്ടും വിസ്മയം തീര്ത്ത് രവീന്ദ്ര ജഡേജ; ബാംഗ്ലൂരിനെ തകര്ത്ത് ചെന്നൈയുടെ വിജയക്കുതിപ്പ്
ബാറ്റ് കൊണ്ടും പന്ത് കൊണ്ടും വിസ്മയം തീര്ത്ത രവീന്ദ്ര ജഡേജയുടെ പ്രകടനത്തില് ബാംഗ്ലൂരിനെ തകര്ത്ത് ചെന്നൈ. 192 റണ്സ് വിജയലക്ഷ്യവുമായി ബാറ്റിംഗിന് ഇറങ്ങിയ ബാംഗ്ലൂരിന് 9 വിക്കറ്റ് നഷ്ടത്തില് 122 റണ്സ് നേടാനെ സാധിച്ചുള്ളൂ. അര്ധ സെഞ്ച്വറിയും 3 വിക്കറ്റും സ്വന്തമാക്കിയ ജഡേജയാണ് കളിയിലെ താരം.
നായകന് വിരാട് കോഹ്ലിയുടെ (8) വിക്കറ്റാണ് ആര്സിബിയ്ക്ക് ആദ്യം നഷ്ടമായത്. കഴിഞ്ഞ മത്സരത്തില് സെഞ്ച്വറി നേടിയ മലയാളി താരം ദേവ്ദത്ത് പടിക്കല് 15 പന്തില് 34 റണ്സ് നേടി. മൂന്നാമനായെത്തിയ വാഷിംഗ്ടണ് സുന്ദറിനെ(7) ജഡേജ വീഴ്ത്തി. തുടര്ന്ന് അപകടകാരികളായ ഗ്ലെന് മാക്സ്വെല്ലിനെയും(22) എബി ഡിവില്യേഴ്സിനെയും(4) ക്ലീന് ബൗള്ഡാക്കി ജഡേജ മത്സരം ചെന്നൈയ്ക്ക് അനുകൂലമാക്കി.
ജഡേജ 4 ഓവറില് ഒരു മെയ്ഡന് ഉള്പ്പെടെ 13 റണ്സ് വഴങ്ങി 3 വിക്കറ്റ് വീഴ്ത്തി. ഇമ്രാന് താഹിര് 2 വിക്കറ്റും സാം കറന് ഒരു വിക്കറ്റും സ്വന്തമാക്കി. ആദ്യം ബാറ്റ് ചെയ്ത ചെന്നൈയ്ക്ക് വേണ്ടി ജഡേജ 28 പന്തില് പുറത്താകാതെ 62 റണ്സ് നേടിയിരുന്നു. തുടര്ച്ചയായ നാല് ജയങ്ങള്ക്ക് ശേഷം സീസണിലെ ആദ്യ തോല്വിയാണ് ബാംഗ്ലൂര് ഏറ്റുവാങ്ങിയത്. ജയത്തോടെ ചെന്നൈ സൂപ്പര് കിംഗ്സ് ആര്സിബിയെ മറികടന്ന് ഒന്നാം സ്ഥാനത്ത് എത്തി.
https://www.facebook.com/Malayalivartha