ട്വന്റി 20 റാങ്കിങ്ങിൽ ഇന്ത്യൻ താരങ്ങൾക്ക് തിരിച്ചടി; കോഹ്ലി എട്ടാം സ്ഥാനത്തേയ്ക്ക് പിന്തള്ളപ്പെട്ടു; അഞ്ചാം സ്ഥാനം സ്വന്തമാക്കി കെ.എൽ. രാഹുൽ
ട്വന്റി 20 റാങ്കിങ്ങിൽ ഇന്ത്യൻ താരങ്ങൾക്ക് തിരിച്ചടി. കോഹ്ലി നാലുറാങ്കുകള് ഇറങ്ങി എട്ടാം സ്ഥാനത്തായി. എന്നാല് ബുധനാഴ്ച പുറത്തിറക്കിയ റാങ്കിങ്ങില് ഇന്ത്യന് ഓപണര് കെ.എല് രാഹുല് നേട്ടമുണ്ടാക്കി. മൂന്ന് റാങ്ക് കയറിയ രാഹുല് അഞ്ചാമതെത്തി. ന്യൂസിലന്ഡിനും പാകിസ്താനുമെതിരെ നിറംമങ്ങിയെങ്കിലും കുഞ്ഞന്മാരായ അഫ്ഗാനിസ്താന്, സ്കോട്ലന്ഡ്, നമീബിയ എന്നിവര്ക്കെതിരെ അര്ധശതകം നേടിയതാണ് രാഹുലിന് തുണയായത്.
ബാറ്റ്സ്മാന്മാരില് പാകിസ്താന് നായകന് ബാബര് അസമാണ് ഒന്നാമന്. ഇംഗ്ലണ്ടിന്റെ ഡേവിഡ് മലാന് രണ്ടാമതും ദക്ഷിണാഫ്രിക്കയുടെ എയ്ഡന് മാര്ക്രം മൂന്നാമതുമെത്തി. സൂപ്പര് 12ഘട്ടത്തില് ഇംഗ്ലണ്ടിനെതിരെ 25 പന്തില് 52 റണ്സ് അടിച്ചുകൂട്ടിയ പ്രകടനമാണ് മാര്ക്രമിന് മുന്നേറ്റമുണ്ടാക്കിയത്. അതേ മത്സരത്തില് പുറത്താകാതെ 94 റണ്സെടുത്ത ദക്ഷിണാഫ്രിക്കയുടെ വാന് ഡര് ഡസന് ആദ്യ പത്തിലെത്തി. ബൗളര്മാരില് വനിഡു ഹസരങ്ക (ശ്രീലങ്ക), തബ്രിസ് ഷംസി (ദക്ഷിണാഫ്രിക്ക), ആദില് റാശിദ് (ഇംഗ്ലണ്ട്) എന്നിവരാണ് ആദ്യ മൂന്ന് സ്ഥാനങ്ങളില്. ബൗളര്മാരുടെ ആദ്യ പത്തില് ഒരു ഇന്ത്യന് താരം പോലുമില്ല.
https://www.facebook.com/Malayalivartha
