ഐപിഎല്‍ പതിനാറാം സീസണില്‍ രണ്ടാം ജയം ലക്ഷ്യമിട്ട് സഞ്ജു സാംസണിന്റെ രാജസ്ഥാന് റോയല്‍സ് ഇന്നിറങ്ങും...എതിരാളികള്‍ പഞ്ചാബ് കിംഗ്സ്
ഐപിഎല്‍ പതിനാറാം സീസണില്‍ രണ്ടാം ജയം ലക്ഷ്യമിട്ട് സഞ്ജു സാംസണിന്റെ രാജസ്ഥാന് റോയല്‍സ് ഇന്നിറങ്ങും...എതിരാളികള്‍ പഞ്ചാബ് കിംഗ്സ്.
ഗുവാഹത്തിയില്‍ വൈകിട്ട് ഏഴരയ്ക്കാണ് കളി ആരംഭിക്കുക. സീസണില്‍ ജയിച്ച് തുടങ്ങിയ രാജസ്ഥാന് റോയല്‍സും പഞ്ചാബ് കിംഗ്സും നേര്‍ക്കുനേര്‍ വരികയാണ്. സന്തുലിതമാണ് സഞ്ജു സാംസണ്‍ നയിക്കുന്ന രാജസ്ഥാന് റോയല്‍സ്.
ഓപ്പണര്‍മാരായ ജോസ് ബട്‌ലറും യശസ്വി ജയ്‌സ്വാളും സഞ്ജു സാംസണും അര്‍ധസെഞ്ചുറിയോടെ എതിരാളികള്‍ക്ക് മുന്നറിയിപ്പ് നല്‍കിക്കഴിഞ്ഞു. ട്രെന്റ് ബോള്‍ട്ടിന്റെ വേഗവും യുസ്‌വേന്ദ്ര ചഹലിന്റെ സ്പിന്‍ മികവും രാജസ്ഥാനെ അപകടകാരികളാക്കും.
ദേവ്ദത്ത് പടിക്കല്‍, ഷിമ്രോണ്‍ ഹെറ്റ്‌മെയര്‍, റിയാന്‍ പരാഗ്, ആര്‍ അശ്വിന്‍ എന്നിവര്‍ കൂടി ഫോമിലേക്കെത്തിയാല്‍ രാജസ്ഥാന് ആശങ്കയൊന്നുമില്ല. കൊല്‍ക്കത്തയെ മഴനിയമത്തിന്റെ ആനുകൂല്യത്തില്‍ മറികടന്നാണ് ശിഖര്‍ ധവാന്റെ പഞ്ചാബ് കിംഗ്സ് എത്തുന്നത്.
ലിയം ലിവിംഗ്സ്റ്റണ്‍ ഇന്നുമിറങ്ങില്ലെങ്കിലും കാഗിസോ റബാഡയുടെ സാന്നിധ്യം പഞ്ചാബിന് കരുത്തായേക്കും. പ്രഭ്‌സിമ്രാന്‍ സിംഗ്, ശിഖര്‍ ധവാന്‍, ഭാനുക രജുപക്‌സെ, ജിതേഷ് ശര്‍മ്മ എന്നിവരുടെ ബാറ്റുകളിലേക്കാണ് പഞ്ചാബ് റണ്‍സിനായി ഉറ്റുനോക്കുന്നത്.
https://www.facebook.com/Malayalivartha
