വെസ്റ്റ് ഇന്ഡീസിന് എതിരായ ട്വന്റി 20 പരമ്പരയിലേക്കുള്ള ടീമിനെ പ്രഖ്യാപിച്ച് ബിസിസിഐ
06 JULY 2023 08:41 AM IST
മലയാളി വാര്ത്ത
വെസ്റ്റ് ഇന്ഡീസിന് എതിരായ ട്വന്റി 20 പരമ്പരയിലേക്കുള്ള ടീമിനെ പ്രഖ്യാപിച്ച് ബിസിസിഐ. മലയാളി താരം സഞ്ജു സാംസണ് ടീമില് ഇടം നേടി.
സൂപ്പര് താരങ്ങളായ രോഹിത് ശര്മ്മയും വിരാട് കൊഹ്ലിയും ഇല്ലാതെ കളത്തില് ഇറങ്ങുന്ന ടീമിനെ ഹാര്ദിക് പാണ്ഡ്യ നയിക്കും. ട്വിറ്ററിലൂടെയായിരുന്നു പ്രഖ്യാപനം. ഐപിഎല്ലില് തിളങ്ങിയ യുവതാരങ്ങളായ യശസ്വി ജയ്സ്വാള്, തിലക് വര്മ, മുകേഷ് കുമാര് എന്നിവര് ടി20 ടീമില് ഇടം നേടിയപ്പോള് ശുഭ്മാന് ഗില്ലും ഇഷാന് കിഷനും സ്ഥാനം നിലനിര്ത്തി.
സൂര്യകുമാര് യാദവാണ് വൈസ് ക്യാപ്റ്റന്. ബിസിസിഐ ചീഫ് സെലക്ടറായി മുന് ഇന്ത്യന് താരം അജിത് അഗാര്ക്കര് ചുമതലയേറ്റതിന്ശേഷം പ്രഖ്യാപിക്കുന്ന ആദ്യ ഇന്ത്യന് സ്ക്വാഡ് കൂടിയാണിത്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
