ഇന്ത്യന് ക്രിക്കറ്റ് ടീം വീണ്ടും മൈതാനത്തേക്ക്.... ഇന്ത്യ-വെസ്റ്റിന്ഡീസ് ടെസ്റ്റ് പരമ്പരയിലെ ആദ്യ മത്സരം കരീബിയന് ദ്വീപായ ഡൊമിനിക്കയില് ഇന്ന് തുടങ്ങും
ഇന്ത്യന് ക്രിക്കറ്റ് ടീം വീണ്ടും മൈതാനത്തേക്ക്.... ഇന്ത്യ-വെസ്റ്റിന്ഡീസ് ടെസ്റ്റ് പരമ്പരയിലെ ആദ്യ മത്സരം കരീബിയന് ദ്വീപായ ഡൊമിനിക്കയില് ഇന്ന് തുടങ്ങും.
രണ്ട് മത്സരങ്ങളടങ്ങിയ പരമ്പര ലോക ടെസ്റ്റ് ചാമ്പ്യന്ഷിപ് 2023-25 സര്ക്കിളില് ഇരു ടീമിന്റെയും പോരാട്ടങ്ങളുടെ ആരംഭവും കൂടിയാണ്. രണ്ട് തവണയും ലോക ചാമ്പ്യന്ഷിപ് ഫൈനലിന് യോഗ്യത നേടിയ ഇന്ത്യക്ക് ഫൈനലില് തോല്ക്കാനായിരുന്നു വിധി.
കഴിഞ്ഞ മാസം ആസ്ട്രേലിയയോട് ദയനീയമായി തോറ്റ് ഒരിക്കല്കൂടി കിരീടം അടിയറവെച്ചതിന്റെ ക്ഷീണത്തിലാണ് രോഹിത് ശര്മയും സംഘവും.
ബാറ്റിങ് ഓഡറിലടക്കം സന്ദര്ശകര്ക്ക് പരീക്ഷണ നാളുകളാണ്. മുന്നിര ബാറ്ററും ടെസ്റ്റ് സ്പെഷലിസ്റ്റുമായ ചേതേശ്വര് പുജാരയെ പുറത്താക്കി പ്രഖ്യാപിച്ച സംഘത്തിലേക്ക് ഐ.പി.എല് മികവിന്റെ അടിസ്ഥാനത്തില് യശസ്വി ജയ്സ്വാളും ഋതുരാജ് ഗെയ്ക്വാദുമെത്തിയിട്ടുണ്ട്.
വിരാട് കോഹ് ലി, അജിന്ക്യ രഹാനെ തുടങ്ങിയ ലോകോത്തര ബാറ്റര്മാരുടെ നിര ഇന്ത്യക്കുണ്ടെങ്കിലും കളത്തിലെ പ്രകടനം കണ്ടറിയണം. കെമര് റോഷും അല്സാരി ജോസഫും ജേസണ് ഹോള്ഡറുമടങ്ങുന്ന ആക്രമണനിര ഇന്ത്യന് ബാറ്റര്മാര്ക്ക് വെല്ലുവിളിയാവുമെന്ന പ്രതീക്ഷയിലാണ് ആതിഥേയര്.
"
https://www.facebook.com/Malayalivartha
