നിര്ണായക മൂന്നാം ഏകദിനം... ഇന്ത്യ ദക്ഷിണാഫ്രിക്ക ഏകദിന ക്രിക്കറ്റ് പരമ്പര ജേതാക്കളെ ഇന്നറിയാം
നിര്ണായക മൂന്നാം ഏകദിനം... ഇന്ത്യ ദക്ഷിണാഫ്രിക്ക ഏകദിന ക്രിക്കറ്റ് പരമ്പര ജേതാക്കളെ ഇന്നറിയാം. വൈകുന്നേരം നാലരയ്ക്ക് പാളിലെ ബോളണ്ട് പാര്ക്കില് ആരംഭിക്കും.
ഏകദിന ടീമിലെങ്കിലും സ്ഥാനം നിലനിര്ത്തണമെങ്കില് മലയാളി താരം സഞ്ജു സാംസണിന് ഇന്ന് തകര്പ്പന് പ്രകടനം പുറത്തെടുത്തേ മതിയാകൂകയുള്ളൂ. ആദ്യ ഏകദിനം എട്ട് വിക്കറ്റിന് ഇന്ത്യയും രണ്ടാമത്തേത് അത്രതന്നെ വിക്കറ്റിന് ദക്ഷിണാഫ്രിക്കയും ജയിച്ചതിനാല് ഇന്ന് വിജയിക്കുന്നവര്ക്ക് പരമ്പര സ്വന്തമാകും.
ദക്ഷിണാഫ്രിക്കയില് രണ്ടാം ഏകദിന പരമ്പര വിജയം സ്വപ്നം കണ്ടാണ് ടീം ഇന്ത്യ പാളില് ഇന്നിറങ്ങുന്നത്. പക്ഷേ ഓപ്പണര്മാര് നല്ല തുടക്കം നല്കേണ്ടതുണ്ട്. പുതുമുഖ ഓപ്പണര് സായ് സുദര്ശന് രണ്ട് കളിയിലും അര്ധസെഞ്ചുറി നേടിയെങ്കിലും റുതുരാജ് ഗെയ്ക്വാദിന് രണ്ടക്കം കടക്കാന് കഴിഞ്ഞിട്ടില്ല.
ആദ്യ രണ്ട് ഏകദിനങ്ങളില് അഞ്ചും നാലും റണ്സ് വീതമാണ് ഗെയ്ക്വാദിന്റെ സംഭാവന. മധ്യനിരയില് തിലക് വര്മ്മയുടെ മങ്ങിയ ഫോമിലും ടീമിന് ആശങ്കയുണ്ട്. തിലകിന് പകരം രജത് പടിദാറിന് അരങ്ങേറ്റത്തിന് അവസരം നല്കാന് സാധ്യതയേറെയുണ്ട്.
ശ്രേയസ് അയ്യര്, കെ എല് രാഹുല് എന്നിവരുടെ പരിചയസമ്പത്ത് മധ്യനിരയില് കരുത്താകുമ്പോഴും മലയാളി താരം സഞ്ജു സാംസണിന് അവസരങ്ങള് പ്രയോജനപ്പെടുത്താനാവുന്നില്ല. എങ്കിലും സഞ്ജുവിന് ഒരവസരം കൂടി മാനേജ്മെന്റ് നല്കിയേക്കും. ബൗളിംഗില് സ്പിന്നര്മാരായ അക്സര് പട്ടേല്, കുല്ദീപ് യാദവ് എന്നിവരില് ഒരാള്ക്ക് പകരം യുസ്വേന്ദ്ര ചഹലിനെയും പരിഗണിക്കുന്നുണ്ട്.
"
https://www.facebook.com/Malayalivartha