വെസ്റ്റീന്‍ഡീസിനെതിരായ മൂന്നാം ഏകദിനത്തിനത്തില്‍ മികച്ച പ്രകടനം കാഴ്ച്ചവെച്ച ഇന്ത്യയെ വിജയിപ്പിച്ച മുന്‍ ക്യാപ്റ്റന്‍ ഇപ്പോഴും ഇപ്പോഴും മികച്ച ഫോമിലാണ്. 79 പന്തില്‍ നിന്ന് 78 റണ്‍സാണ് മഹേന്ദ്രസിംഗ് ധോണി അടിച്ചെടുത്തത്. ദുഷ്‌കരമായ പിച്ചില്‍ ഇന്ത്യയ്ക്ക് നിര്‍ണായകമായത് ധോണിയുടെ ഇന്നിങ്ങ്‌സായിരുന്നു. 93 റണ്‍സിന്റെ വിജയത്തിനു ശേഷം ഈ പ്രായത്തിലും മികച്ച ഫോം പുലര്‍ത്തുന്നതിനെക്കുറിച്ച് മാധ്യമപ്രവര്‍ത്തകരുടെ ചോദ്യത്തിനാണ് ധോണി പറഞ്ഞ മറുപടിയാണ് എല്ലാവര്‍ക്കും ഇഷ്ടപ്പെട്ടത്.

താന്‍ പഴകുന്തോറും വീര്യമുള്ള വീഞ്ഞ് ആണെന്നായിരുന്നു ധോണിയുടെ കിടിലന്‍ മറുപടി. കഴിഞ്ഞ കുറേ ആളുകളായി ഇന്ത്യന്‍ ഓപ്പണര്‍മാര്‍ മികച്ച രീതിയിലാണ് കളിക്കുന്നതെന്നും ഇപ്പോള്‍ മികച്ചതായി കളിക്കാന്‍ ഒരു അവസരം ലഭിച്ചതില്‍ സന്തോഷമുണ്ടെന്നും ധോണി കൂട്ടിച്ചേര്‍ത്തു. ബാറ്റിംഗ് ദുഷ്‌കരമായ പിച്ചില്‍ ബാറ്റിംഗിനിറങ്ങുന്നതിനു മുമ്പ് ഇന്ത്യ 250 റണ്‍സ് നേടും എന്നു തന്നെയായിരുന്നു മനസില്‍ ഉറപ്പിച്ചിരുന്നതെന്നും ധോണി പറഞ്ഞു.