ചിയര് ഗേള്സും മറ്റു മേളക്കൊഴുപ്പിക്കലുകളും ഇനിയുള്ള ഐ.പി.എല്ലില് ഉണ്ടാകില്ല!
ലോകത്തെ മികച്ച സ്പോര്ട്സ് ലീഗുകളില് ഒന്നായി വളരെ പെട്ടന്നു തന്നെ ഇടം പിടിച്ച ഇന്ത്യന് പ്രീമിയര് ലീഗ് പത്ത് വര്ഷത്തിലെത്തി നില്ക്കുന്നു. ക്രിക്കറ്റിനൊപ്പം ബോളിവുഡ് താരങ്ങളുടെ സാന്നിധ്യവും, ചിയര് ഗേള്സിന്റെ ചുവടുവയ്പുകളും, ഇത്തിരി മസാല കൂട്ടുകളും ഐ.പി.എല് ഹിറ്റാക്കുന്നതില് നിര്ണ്ണായക പങ്ക് വഹിച്ചിട്ടുണ്ട്. എന്നാല് ഇത്തവണത്തെ ഐ.പി.എല്ലില് ഇപ്പറഞ്ഞ കൂട്ടുകളൊന്നും കാണില്ല. കാരണം മറ്റൊന്നുമല്ല അടുത്ത സീസണ് മുതല് ഐ.പി.എല് സംപ്രേഷണാവകാശം സ്റ്റാര് ഇന്ത്യ ഗ്രൂപ്പിനാണ്.
കഴിഞ്ഞ പത്ത് വര്ഷമായി മത്സരങ്ങള് സംപ്രേക്ഷണം ചെയ്ത സോണി പിക്ചേഴ്സിനെ മറികടന്നാണ് സ്റ്റാര് 16,347.50 കോടിക്ക് സംപ്രേഷണാവകാശം സ്വന്തമാക്കിയത്. ഇതോടെ ഇന്ത്യയുടെ അന്താരാഷ്ട്ര മത്സരങ്ങളെക്കാള് ചിലവുള്ളതായി ഐ.പി.എല് മത്സരങ്ങള് മാറും.
2008-ല് 8000 കോടിക്കായിരുന്നു സോണി പത്ത് വര്ഷത്തെ കരാര് സ്വന്തമാക്കിയത്. എന്നാല് ഐ.പി.എല്ലിന്റെ അവതരണ രീതിയാണ് ക്രിക്കറ്റ് ലോകത്ത് പുതിയ ചര്ച്ചകള്ക്ക് തുടക്കം കുറിച്ചിരിക്കുന്നത്. പത്ത് വര്ഷമായി ക്രിക്കറ്റ് പ്രേമികള് ആസ്വദിച്ച രീതിയിലുള്ള ഐ.പി.എല് ആകില്ല സ്റ്റാര് സ്പോര്ട്സ് അവലംബിക്കുക. ഇതിന്റെ വ്യക്തമായ സൂചനകളാണ് സ്റ്റാര് സ്പോര്ട്സിന്റെ തലവന്മാരിലൊരാളായ ഉദയ് ശങ്കര് നല്കുന്നത്.
സ്റ്റാര് സ്പോര്ട്സ് എന്നും കളിക്ക് മാത്രമാണ് പ്രാധാന്യം നല്കുന്നത്. ഞങ്ങളില് കളിയിലാണ് വിശ്വസിക്കുന്നത് അത് തുടരും. മറ്റുള്ളവര് എന്തു ചെയ്യുന്നു ഞങ്ങള് നോക്കുന്നില്ല. സ്റ്റാര് സ്പോര്ട്സിന്റെ രീതി ഇനിയും തുടരുമെന്നുമായിരുന്നു അദ്ദേഹത്തിന്റെ പ്രതികരണം.
https://www.facebook.com/Malayalivartha