സച്ചിന്റെ വഴിയെ മകനും;അര്ജുന് ടെണ്ടുല്ക്കര് മുംബൈ ടീമില്
ഇന്ത്യയുടെ ക്രിക്കറ്റ് ഇതിഹാസം സച്ചിന് ടെണ്ടുല്ക്കറുടെ പാതയിലാണ് മകന് അര്ജുന് ടെണ്ടുല്ക്കര് എന്ന് ഉറപ്പായി. മുംബൈയുടെ 18 അംഗ ടീമിലാണ് അര്ജുന് ഇടം നേടിയത്. ജെവൈ ലിലി ആള് ഇന്ത്യ അണ്ടര് 19 ഇന്വിറ്റേഷന് ഏകദിന ടൂര്ണമെന്റിലേക്കുള്ള മുംബൈ ടീമിലാണ് 17 കാരനായ അര്ജുന് ഇടം നേടിയത്. ബറോഡയില് ഈ മാസം 16 മുതല് 23 വരെയാണ് മത്സരം.
ഇംഗ്ലണ്ടില് നടന്ന വനിതാ ലോകകപ്പ് ഫൈനലിനു മുന്നോടിയായി നടന്ന നെറ്റ് പരിശീലനത്തില് ടീമിനു ബൗള് ചെയ്തുകൊടുത്ത് വാര്ത്തകളില് ഇടം നേടിയിരുന്ന അര്ജുന് പിതാവായ സച്ചിന്റെ പാതയിലേക്കു പിച്ചവെച്ചു തുടങ്ങുകയാണ്. എന്നാൽ അച്ഛന് ബാറ്റിങിലാണ് പുലിയെങ്കില് മകന് ഓള്റൗണ്ടറാണ്.
മുംബൈയുടെ അണ്ടര് 16 ടീമില് 2015-16 സീസണില് അര്ജുന് ഇടം നേടിയിരുന്നു. ബിസിസിഐ നടത്തുന്ന ടൂര്ണമെന്റല്ലെങ്കിലും മുംബൈ ക്രിക്കറ്റ് അസോസിയേഷന്റെ ടീമിലാണ് താരം ഇടം നേടിയിരിക്കുന്നത്. ഇതാദ്യമായാണ് മുംബൈയുടെ ജൂനിയര് ടീമില് താരം ഇടംപിടിക്കുന്നത്. നേരത്തേ സബ് ജൂനിയര് ടീമുകള്ക്കായി ടൂര്ണമെന്റുകളില് നടത്തിയ മികച്ച പ്രകടനമാണ് അര്ജുനെ അണ്ടര് 19 ടീമിലെത്തിച്ചത്
https://www.facebook.com/Malayalivartha