ബാംഗ്ലൂർ ഏകദിനത്തിൽ ഓസ്ട്രേലിയയോട് തോറ്റ ഇന്ത്യയ്ക്ക് ഐസിസി ഏകദിന റാങ്കിങ്ങില്‍ ഒന്നാം സ്ഥാനം നഷ്ടമായി. ബംഗലൂരു ഏകദിനത്തില്‍ 21 റണ്‍സിനാണ് ഇന്ത്യ തോറ്റത്. ഇതോടെ ദക്ഷിണാഫ്രിക്കയ്ക്ക് പിന്നില്‍ രണ്ടാം സ്ഥാനത്താണ് ഇന്ത്യ. തുടർച്ചയായി 9 ഏകദിന മത്സരങ്ങൾ ജയിച്ച ശേഷമാണ് ഇന്ത്യയുടെ തോൽവി.

ഇന്ത്യയും ദക്ഷിണാഫ്രിക്കയും റേറ്റിംഗില്‍ തുല്യരാണെങ്കിലും ദക്ഷിണാഫ്രിക്കയ്ക്ക് 5957 പോയന്‍റും, ഇന്ത്യയ്ക്ക് 5828 പോയന്‍റുമാണ് ഉള്ളത്. ടെസ്റ്റിൽ ഇന്ത്യയാണ് ഒന്നാം സ്ഥാനത്ത്.