തനിക്കെതിരെയുള്ള ആജീവനാന്ത വിലക്കിനെതിരെ നിയമ നടപടിയുമായി മുന്നോട്ട് പോകാനാണ് ശ്രീശാന്തിന്റെ തീരുമാനം. ഇന്ത്യയിൽ കളിക്കാൻ വിലക്കിയാൽ മറ്റ്​ അന്താരാഷ്​ട്ര ടീമുകൾക്കു വേണ്ടി കളിക്കാൻ ആലോചിക്കുമെന്നും അദ്ദേഹം പറഞ്ഞു.

കുറ്റം ചെയ്​തെന്ന്​ യാതൊരു തെളിവുമില്ലാത്ത തന്നെ കളിക്കളത്തിന്​ പുറത്തു നിർത്തു​കയും കുറ്റക്കാരെന്ന്​ വ്യക്​തമായ തെളിവുകളുള്ള ടീമുകളെ ലളിതമായ ശിക്ഷ നൽകി കളിക്കാൻ അനുവദിക്കുകയും ചെയ്യുന്നത് ഇരട്ട നീതിയാണെന്നും ശ്രീശാന്ത് ആരോപിച്ചു. ഇതിൽ നിന്നും തനിക്കെതിരെ ബി.സി.സി.​ഐ ഗൂഢാലോചന നടത്തിയെന്നു തന്നെയാണ് വ്യക്തമാകുന്നത്. മലയാളിയായ തന്നെ പിന്തുണക്കാൻ ശക്​തരായ ആരുമില്ലെങ്കിലും ക്രിക്കറ്റ്​ പ്രേമികളും മലയാളി സമൂഹവും തനിക്കൊപ്പമുണ്ടെന്നും അദ്ദേഹം കൂട്ടിച്ചേർത്തു.