ന്യൂസിലൻഡിനെതിരായ ട്വന്റി 20 മത്സരങ്ങൾക്കുള്ള ടീമിനേയും ശ്രീലങ്കയ്ക്കെതിരായ ടെസ്റ്റ് പരമ്പരയ്ക്കുള്ള ടീമിനേയും പ്രഖ്യാപിച്ചു. ഇന്ത്യൻ ക്യാപ്റ്റൻ വിരാട് കോഹ്‌ലിക്ക് വിശ്രമം അനുവദിച്ചേക്കുമെന്ന് റിപ്പോർട്ടുകൾ ഉണ്ടായിരുന്നെങ്കിലും രണ്ട്‌ പരമ്പരകളിലും കൊഹ്‌ലി തന്നെ ഇന്ത്യയെ നയിക്കും.

ട്വന്റി 20 ടീമിൽ മലയാളിയും മുംബൈയുടെ താരവുമായ ശ്രേയസ് അയ്യരും ഹൈദരാബാദിന്റെ രഞ്ജി താരം മുഹമ്മദ് സിറാജും ഇടംപിടിച്ചു. ഇന്ത്യ എ ടീമിലെ മികച്ചപ്രകടനം ശ്രേയസ് അയ്യർക്ക് തുണയായപ്പോൾ ആഭ്യന്തര ക്രിക്കറ്റിലെ മികച്ച പ്രകടനം മുഹമ്മദ് സിറാജിന് ഇന്ത്യൻ ടീമിലേക്കുള്ള വഴി തുറന്നു. ന്യൂസീലൻഡിനെതിരായ ട്വന്റി 20 മത്സരങ്ങൾ നവംബർ ഒന്നു മുതലും ശ്രീലങ്കക്കെതിരായ ടെസ്റ്റ് പരമ്പര 16 നും ആരംഭിക്കും. ആദ്യ രണ്ട് ടെസ്റ്റുകൾക്കുള്ള ടീമിനെയാണ് ഇന്ന് പ്രഖ്യാപിച്ചത്.

ട്വന്റി 20 ടീം:
വിരാട് കൊഹ്‌ലി (ക്യാപ്റ്റൻ), ശിഖർ ധവൻ, രോഹിത് ശർമ്മ, കെ.എൽ.രാഹുൽ, മനീഷ് പാണ്ഡെ, ശ്രേയസ് അയ്യർ, ദിനേഷ് കാർത്തിക്, എം.എസ്.ധോനി, ഹർദിക് പാണ്ഡ്യ, അക്സർ പട്ടേൽ, യുസ്വേന്ദ്ര ചാഹൽ, കുൽദീപ് യാദവ്, ഭുവനേശ്വർ കുമാർ, ജസ്പ്രീത് ബുംറ, മുഹമ്മദ് സിറാജ്, ആശിഷ് നെഹ്റ

ശ്രീലങ്കയ്ക്കെതിരായ ആദ്യ രണ്ട് ടെസ്റ്റുകൾക്കുള്ള ടീം
വിരാട് കൊഹ്‌ലി (ക്യാപ്റ്റൻ), കെ.എൽ.രാഹുൽ, ശിഖർ ധവൻ, മുരളി വിജയ്, ചേതേശ്വർ പുജാര, അജിങ്ക്യ രഹാനെ, രോഹിത് ശർമ്മ, വൃദ്ധിമാൻ സാഹ, ആർ.അശ്വിൻ, രവീന്ദ്ര ജഡേജ, ഉമേഷ് യാദവ്, മുഹമ്മദ് ഷമി, ഹർദിക് പാണ്ഡ്യ, ഭുവനേശ്വർ കുമാർ, ഇശാന്ത് ശർമ്മ.