ട്വന്റി-20യില്‍ നിന്നും മഹേന്ദ്ര സിംഗ് ധോണിയെ ഒഴിവാക്കണമെന്ന ആവശ്യം പല കോണുകളില്‍ നിന്നും ഉയരുന്നതിന് പിന്നാലെ അതേ ആവശ്യവുമായി മുന്‍ ഇന്ത്യന്‍ താരം ആകാശ് ചോപ്ര.

ധോണിയെ ട്വന്റി-20ക്കുള്ള ടീമില്‍ നിന്ന് ഒഴിവാക്കണം. ഗ്രൌണ്ടില്‍ അദ്ദേഹത്തിന്റെ പിടി അയയുന്ന സാഹചര്യമാണ് ഇപ്പോഴുള്ളത്. ശ്രീലങ്കയ്ക്കെതിരെ വരാന്‍ പോകുന്ന മത്സരങ്ങളില്‍ ഇന്ത്യന്‍ ടീം മികച്ച പ്രകടനം നടത്തും. എന്നാല്‍, ദക്ഷിണാഫ്രിക്കയെ നേരിടാന്‍ ഇറങ്ങുമ്പോൾ അനുകൂലസാഹചര്യമായിരിക്കില്ല ഉണ്ടാകുക എന്നും ചോപ്ര പറഞ്ഞു.

നേരത്തെ വിവിഎസ് ലക്ഷ്മണും അജിത് അഗാള്‍ക്കറും ധോണിയെ ടീമില്‍ നിന്നും ഒഴിവാക്കണമെന്ന് ആവശ്യപ്പെട്ടിരുന്നുവെങ്കിലും ഇരുവരെയും തള്ളി ടീം ക്യാപ്റ്റന്‍ വിരാട് കോഹ്ലിയും സുനില്‍ ഗവാസ്കറും രംഗത്തെത്തിയിരുന്നു.