ആവേശകരമായ ഒന്നാം ആഷസ് ടെസ്റ്റില്‍ ആസ്‌ട്രേലിയ പത്ത് വിക്കറ്റിന് ഇംഗ്‌ളണ്ടിനെ തകര്‍ത്തു. ഇംഗ്ലണ്ട് മുന്നോട്ട് വച്ച 170 റണ്‍സെന്ന വിജയലക്ഷ്യം പിന്തുടര്‍ന്ന ആസ്‌ട്രേലിയ അഞ്ചാംദിനം അനായാസം വിജയം നേടുകയായിരുന്നു. ബാന്‍ക്രോഫ്റ്റ് (82), ഡേവിഡ് വാര്‍ണര്‍ (87) എന്നിവരാണ് കംഗാരുക്കള്‍ക്ക് വിജയം ഉറപ്പാക്കിയത്.

രണ്ട് വിക്കറ്റ് നഷ്ടത്തില്‍ 33 റണ്‍സെന്ന നിലയില്‍ നാലാം ദിനം കളി തുടങ്ങിയ ഇംഗ്ലണ്ട് മിച്ചല്‍ സ്റ്റാര്‍ക്ക്, ജോഷ് ഹെയെസല്‍വുഡ്, നതാന്‍ ലിയോണ്‍ എന്നിവര്‍ക്ക് മുന്നില്‍ തകരുകയായിരുന്നു. മൂന്ന് പേരും മൂന്ന് വിക്കറ്റ് വീതം നേടിയപ്പോള്‍ രണ്ടാം ഇന്നിംഗ്‌സില്‍ ഇംഗ്ലണ്ട് 195 റണ്‍സിലൊതുങ്ങി.

ജോ റൂട്ട് (51), മോയിന്‍ അലി (40), ബെയര്‍സ്‌റ്റോ (42) എന്നിവര്‍ മാത്രമാണ് ഇംഗ്ലണ്ട് നിരയില്‍ അല്‍പ്പമെങ്കിലും പിടിച്ചു നിന്നത്. ഒന്നാം ഇന്നിംഗ്‌സില്‍ ഇംഗ്‌ളണ്ടിനെ 302 റണ്‍സിന് പുറത്താക്കിയ ആസ്‌ട്രേലിയ ഒന്നാം ഇന്നിംഗ്‌സില്‍ 328 റണ്‍സിന് ആള്‍ഔട്ടായിരുന്നു.