സ്വപ്നക്കുതിപ്പ് അവസാനിച്ചു; സെമി കാണാതെ കേരളം പുറത്ത്
രഞ്ജി ട്രോഫി ക്രിക്കറ്റില് കേരളത്തിന്റെ സെമി സ്വപ്നങ്ങൾ അവസാനിച്ചു. ക്വാര്ട്ടര് ഫൈനലില് എതിരാളികളായ വിദര്ഭയോട് 413 റണ്സിന്റെ കനത്ത തോല്വി ഏറ്റുവാങ്ങിയാണ് കേരളം പുറത്തായത്. 64 റണ്സ് നേടിയ സല്മാല് നിസാറാണ് രണ്ടാം ഇന്നിംഗ്സിലെ കേരളത്തിന്റെ ടോപ്പ് സ്കോറര്. വിദര്ഭയ്ക്ക് വേണ്ടി സര്വാതേ ആറ് വിക്കറ്റ് വീഴ്ത്തി.
578 റണ്സിന്റെ കൂറ്റന് വിജയലക്ഷ്യം തേടി ബാറ്റിങ്ങിനിറങ്ങിയ കേരളത്തെ 165 റണ്സിന് വിദര്ഭ പുറത്താക്കുകയായിരുന്നു. ഒന്പതു വിക്കറ്റ് നഷ്ടത്തില് 507 റണ്സെടുത്തു നില്ക്കെ വിദര്ഭ രണ്ടാമിന്നിങ്സ് ഡിക്ലയര് ചെയ്യുകയായിരുന്നു. നേരത്തെ ആദ്യ ഇന്നിങ്സില് 246 റണ്സടിച്ച വിദര്ഭ കേരളത്തെ 176 റണ്സിന് പുറത്താക്കി നിര്ണായക ലീഡ് നേടിയിരുന്നു.
https://www.facebook.com/Malayalivartha